aMbo 26:4+
bMbo 112:1, 119:1
cMbo 52:8, 92:12
dMt 13:41+; Syg 22:14

Psalms 1

Eez to zeran duduŋazi ve eez to zeran sasaghatizi

Sei ta poia to Maaron izazaa tooni ve tintini?
Ene ŋeer tau izorzor zeran sasaghatizi ŋgar toozi.
Ve yes tau tisosor pa eez to Maaron na, i itaghon ŋgar toozi mako.
Ve zeran tau tivevelegh Maaron paam, i ipaak zi mako. a 

Saveeŋ to Maaron tomania tutuuŋ tooni, ene ighamu loolo poia le poia kat.
Ve ighamgham ŋgar pani irau mboŋ ve mataaz. b 

Tamtamon tauvene, i imin ai tau tivazoghi igharau yaa tau irereer.
Saawe tooni to iyanooŋ, ene aat anooŋa popoia.
Ve saawe to aaz tiina, raua irau imalai mako.
Tamtamon tauvene, uraat tooni isov ilaan poia mon. c 
Eemon zeran sasaghatizi, lepoogh toozi tauvene mako.
Yes timin pen tau ighe yaghur izaa, mako ivuvuura gha ilale.

Tauvene saawe tau Maaron igabiiz tamtamon ve ighur atuya pazi,
zeran sasaghatizi pale lezi saveeŋ mako, ve titud mon.
Zeran to ghamuuŋ sosor irau tileep tomania tamtamon duduŋazi ila lupuuŋ toozi ne mako. d 
Tauvene tamtamon duduŋazi, Maaron maata pazi, ve iŋginŋgin zi pa laghooŋ toozi.
Eemon zeran tau titaghon eez saghati na, yes pale tilalez.
Copyright information for `TUCT