Psalms 100

Loloon poia pa Maaron ve tapaiti

Mbouŋ to tapait Maaron pa poia tooni

Yam tamtamon to aleep irau taan isov, tintinmim pa Yoova, ve apaiti toman aliŋamim tiina.

Abesbees pani toman lolomim poia.
Alam alup gham ila i naagho, ve amboumbou pani.

Lolomim iveegh pa Yoova sov. Aghilaal aghe: I mon ta Maaron tauu.
I ta ighur ghiit, ve iit tamtamon tooni.
Iit sipsip tooni. Tauta maata pait ve iŋginŋgin ghiit.

Lolomim poia pani ve ataghon ataman to Rumei Tiina gha aloŋ ala.
Apaiti ve aloŋ ala sirsiir tooni loolo.
Lolomim poia pani ve apakur eeza pa poia tooni.

Pasaa, Yoova, ŋgar tooni poia mon.
I loolo isaghav tamtamon tooni ariaaŋ, ve iuluul zi irau saawe.
Ve itataghon saveeŋ mbuaaŋ tooni, taghon taghon gha ila.
Copyright information for `TUCT