Psalms 120

Suŋuuŋ to ŋeer ee tau loolo pa ŋgar luuma

Mbouŋ to yes tau tizala Yerusalem pa suŋuuŋ

Yau naleep ila pataŋani loolo, ve nataŋ rarai Yoova pa uleeŋ,
ve i ilooŋ suŋuuŋ tsiau.

O Yoova, yes tau avozi karom, ve yamazi itortoor saveeŋ na, upaghau ghau pazi.
Yam tau yamamim itortoor saveeŋ na, mindai?
Yam aghe awatagh saa ŋgar tau pale Yoova igham payam,
ve atuya tau pale iŋarui gham?

Ene poia. Alooŋ. I pale ivanegh gham pa paneegh tooni natŋa tau matazi kat.
Ve yav ŋgilaaŋi tau siŋsiŋaaŋ kat na pale ighan gham.
Atuya tsiam, tauta ena!
Oyai, yes tau aazne naleep namin loom ila sosozi ne, lezi ŋgar mako imin kankanooŋa to nugh Mesek ve Kedar.

Zeran to nugh tawe, lolozi pa ŋgar luuma mako kat. Ve yau nakaria lepoogh tomani zi, le isooŋ ghau wa.

Yau lolog pa ŋgar luuma, ve naghe yeŋa nivalupu ghei nimin eemon.
Eemon yes lolozi ipapazaagh zi pa ghamuuŋ malmal irau saawe.
Copyright information for `TUCT