aMbo 91:1+
bMbo 91:9+

Psalms 121

Maaron ileep tomani ghiit ve iŋginŋgin ghiit

Mbouŋ to yes tau tizala Yerusalem pa suŋuuŋ

Matag izala pa loloz naghe naghita:
Uleeŋ pale ilam payau mindai?

Yoova mon ta pale nagham uleeŋ ila tooni.
I ta ighur sambam ve taan.
I aat maata payo. Irau ipul ghom aghem pusukia ve utap mako.
Ŋginiiŋ tsio imamaat irau saawe.

Onoon kat, ŋginiiŋ to iit Israela, ighe maata ighengheen, ene irau igheen mako.
Imamaat irau saawe.
Yoova maata payo ve iŋgin ghom, leso uleep poi.
I ileep ila zigem, ve imin yavyaav payo to ipoon ghom pa aaz. a 
Tauvene mataaz, aaz irau ighaaz katin ghom mako.
Ve mboŋ, kaiyo irau ivaghamun ghom mako.

Yoova aat maata payo, ve ipoon ghom pa gabua sasaghati naol isov.
I tauu pale iŋgin ghom uleep poi. b 

I pale maata pa laghooŋ tsio ve lepoogh tsio. Tauvene saawe tau upul ruum ve uvot ula, le umuul uloŋ ulam, i pale ileep tomani ghom, ve iŋgin ghom uleep poi.
Ta aazne, ve taghon taghon gha ila.
Copyright information for `TUCT