Psalms 123

Mbesooŋa to Maaron tighur matazi pani pa uleeŋ

Mbouŋ to yes tau tizala Yerusalem pa suŋuuŋ

O Yoova, yo uleep ila niam to ghamuuŋ pooz izi sambam.
Tauvene naghur matag payo ve nanumeer ghom.
Yoova, yo Maaron tsiei.
Ninumeer ghom pa gabua ta naol ne, imin besooŋa zitamoot ve zilivaa tau tinumeer daaba toozi.
Tauvene yei aat nighur matamai payo pa uleeŋ, le irau lolom isaghatin ghei ve uul ghei.
O Yoova, yei besooŋa tsio. Lolom isaghatin ghei, ve uul ghei lak!
Ughita. Aazne, koiamaiŋa matazi tatanin ghei, ve tinoknok veleghiiŋ ghei le isooŋ ghei kat!
Zeran tawe, lepoghazi poia kat. Timbool pa gabua eta mako.
Tauta tiroi payo mako, ve tinumeer tauzi tighe yes tirau kat. Ugham ŋgar eta pazi lak!
Copyright information for `TUCT