aMbo 94:17; Ro 8:31
bGnp 1:1; Mbo 121:2

Psalms 124

Tapait Maaron pa uleeŋ tooni

Mbouŋ to yes tau tizala Yerusalem pa suŋuuŋ

Mbouŋ to David

“Imin ta Yoova ivool toit mako, kanaŋ tagham saghat.”
Yam eval tiina to Israel irau asaav tauvene:

“Saawe tau koiaanŋa tipaburigin malmal pait,
imin ta Yoova ivool toit mako, kanaŋ tipasov ghiit.
Pasaa, atezi yavyav pait kat. a 

Pataŋani tawe, ene imin yaa ivot toman tapiri ve izugh ghiit tala ve imbeluut ghiit.
Ve ene imin lulu iloŋ, ve igherev ghiit tala gha taghun te.”
Eemon Yoova ipul ghiit tala koiaanŋa nimazi to tivaghamun ghiit mako.
Tauvene tapaiti pa poia tooni!

Saawe tana, iit tamin man tau liis ighamu.
Eemon Yoova ipas ghiit pa liis tawe, ve taghau.

Yoova ta ighur sambam ve taan.
I mon ta Uleeŋa toit. b 
Copyright information for `TUCT