aMbo 46:5,7, 48:3
bMbo 36:10
cGa 6:16

Psalms 125

Maaron iponpoon tamtamon tooni pa pataŋani

Mbouŋ to yes tau tizala Yerusalem pa suŋuuŋ

Yes tau tinumeer Yoova na, tiyooz tuŋia imin loloz Zion.
Loloz tawe, ighe gabua eta itoki, ene irau irur mako. Iyooz tuŋia tauvene taghon taghon gha ila. a 

Loloz katini tilivut Yerusalem.
Yoova tauvene paam. I imin didiiŋ ariaaŋa tau ilivut tamtamon tooni. Ta aazne, ve taghon taghon gha ila.
Taan tau Maaron igham pa tamtamon tooni duduŋazi na, i irau ipul zeran sasaghati tigham pooz pani irau saawe ne mako.
I pale itatan zi. Pa ighe mako, ene pale tigherev zeran duduŋazi ve tigham sosor paam.
O Yoova, tamtamon popoia tau ŋgar duduuŋa igheen ariaaŋ ila lolozi na, ugham poghani zi. b 

Eemon yes tau tighur murizi pa eez tsio, ve titaghon eez tau iduduuŋ mako na,
uziir zi tomania zeran sasaghati tisov tighau tila.
O Yoova, ugham yes Israela tileep poia toman lolozi luuma! c 
Copyright information for `TUCT