aMbo 24:3+
bMt 5:8; Ep 4:25
cIgham 20:16
dIgham 22:25
eIgham 22:24, 23:8; 2Pe 1:5+

Psalms 15

Sei irau ileep igharau Yoova ve isuŋ pani?

Mbouŋ to David

Yoova, sei ta irau ileep tomani ghom ila niam patabuyaaŋ to suŋuuŋ?
Ve sei irau ileep izi loloz tsio patabuyaaŋ Zion, ve isuŋ payo? a 
Tamtamon tau le sosor eta mako, ve laghooŋ tooni poia mon.
I ighamgham ŋgar duduuŋa
ve isasavia saveeŋ onoon mon toman loolo. b 

I ivaghamunia tamtamon ezazi mako,
ve igham ŋgar saghati eta pa zeetŋa mako.
I iŋgal saveeŋ pa toŋvetaz tooni mako, ve isinai zi mako. c 

Zeran sasaghati tau Maaron ighur muuri pazi na, i paam ighur muuri pazi.
Ve yes tau tiroi pa Yoova ve titaghon ŋgar tooni na, i ipapait zi.
Saa saveeŋ tau i imbua, ene irau loolo iveghaini mako. Ighe ipataŋan pani pa taghoniiŋni, ene poia. Eemon i aat itaghon saveeŋ mbuaaŋ tooni.

Ve isaav ighe zeetŋa tigham bun ila tooni, saawe to tiyatu, yes tiyat maet duduuŋ tau tighamu na. I irau ipoi pa maet geege ite paam izala paavo mako.
Ve isaav ighe tamtamon tighe tigholi, leso iŋgal saveeŋ pa yes tau lezi sosor mako, ene i irau iyok pazi mako. d 

Yes tau titaghon ŋgar naol tane, ene aat tiyooz ariaaŋ.
Gabua eta irau igham zi tirur ne mako. e 
Copyright information for `TUCT