aSyg 5:13

Psalms 150

Gabua naol isov aat tipait Maaron

Aleluia, tapait Yoova!
Apait Maaron ila rumei tooni patabuyaaŋ loolo!
Apaiti ila niia ariaaŋa ta sambam we!

Apaiti pa uraat ariaŋazi tau i ighamgham zi ne.
Apaiti pa i eeza tiina iliiv gabua naol isov.

Aviv tavuur ve apaiti.
Arav ambam ve gita ve apaiti.

Atok kakaap ve ator, ve apaiti.
Aviv pirai ve arav kulele, ve apaiti.

Aŋgal ŋgiraam, ve apaiti.
Ve isaav ighe aŋgali, na aŋgal toman tapirimim, leso luutu tiina!

Yam gabua tau aleep matamim yaryaare na, asov apait Yoova!
Aleluia, tapait Yoova! a 
Copyright information for `TUCT