aMbo 4:8
bMbo 23:4, 27:3
cMbo 62:7+; Syg 7:10

Psalms 3

Suŋuuŋ to mboŋoozo

Mbouŋ to David

Mbouŋ tane iŋarui saawe tau David ighau pa naatu Absalom.

O Yoova, yau koiagŋa katini.
Eval tiina kat tiburig tighe tivaghamun ghau.

Yes tisavsaav payau tighe: “Maaron ipul muuri pani wa. Irau iuule muul mako.”
Eemon Yoova, yo umin sigheu payau ve upoon ghau.
Yau tinig izaa pasaa, yo ugham ezag imin tiina, ve upalot ghau le naliiv koiagŋa.

Yau nataŋ rarai Yoova toman aliŋag tiina naghe iuul ghau.
Ve i ileep izi loloz tooni patabuyaaŋ, ve ilooŋ ghau.
Tauvene yau nazi le nagheen kat.
Pasaa, Yoova tauu iŋgin ghau pa ghenooŋ tsiau le naburig muul. a 

Isaav ighe koiagŋa ndiŋndiŋ ndiŋndiŋ saŋavul (10,000) tilivut ghau to tigham malmal payau,
ene yau irau naroi pazi mako. b 
O Yoova, rekia mon uburig gha uul ghau!
Urav koiagŋa azezi le livozi ipolpol.
Ve urav matin tapirizi le isov kat.
Yoova, yo mon ta irau ugham mulin ghau.
Ughur poia tsio izaa to tamtamon tsio tisov, leso tintinizi ve tileep poi. c 
Copyright information for `TUCT