aNam 6:24+
bTit 2:11
cMbo 65:11
dMt 28:19; Syg 7:9

Psalms 67

Yes Israela tipait Maaron pa mariri tau i igham pazi

Ŋeer tau imuuŋ pa mbouŋ na, aat isaav pa tamtamon to tirav gita ve timbou mbouŋ tane. Timbou mbouŋ tane to tapakur Maaron

Maaron igham poghani ghiit ve ighur poia tooni izaa toit.
I pale loolo poia pait, ve ghazooŋa tooni isul ghiit. a 

Leso tamtamon tau tileep irau taan na tiwatagh ŋgar tooni,
ve nughmariŋ tighilaalo tighe i mon ta irau igham mulin zi. b 
Maaron, nighe tamtamon to nugh nugh tipakur ghom.
Nughmariŋ tipait ezam, o poi!

Nighe tamtamon to nugh nugh lolozi poia ve timbou toman tintinizi to tipakur ghom.
Pasaa, yo ugagabiiz tamtamon, ve ughagharaat pataŋani toozi itaghon ŋgar duduuŋa.
Ve yo ta ughamgham pooz pa nughmariŋ tau tileep irau taan isov.
Maaron, nighe tamtamon to nugh nugh tipakur ghom.
Nughmariŋ tipait ezam, o poi!
Mariri poia ivot ila taan toit wa.
Poia to Maaron toit pale igheen tomani ghiit tauvene taghon taghon gha ila. c 
Onoon kat, Maaron ighur poia tooni izaa toit.
Leso tamtamon tau tileep irau taan ziige ta naol ne tiroi pani, ve titaghon ŋgar tooni. d 
Copyright information for `TUCT