aMbo 22:19, 40:13+

Psalms 70

Suŋuuŋ to ŋeer tau ipasul Maaron to iuule

Mbouŋ to David

Paesiiŋ ila pa ŋeer tau imuŋmuuŋ pa mbouŋ na tauvene: Saawe tau tamtamon tigham watooŋrau ve tighason Maaron to maata iŋgal zi, timbou mbouŋ tane

O Maaron, upas ghau navot pa pataŋani tsiau tane.
Yoova, ulam uul ghau rekia lak! a 

Yes tau tigham lilin ghau ne, ukau ŋgar toozi.
Leso ŋgar toozi ivaghamgham, ve tighau tila toman mayazi.
Ve yes tau tighita pataŋani tsiau tane ve lolozi poia pani na,
yes paam, upamuul zi tila toman mayazi.

Zeran tawe tipaŋiŋizai ghau tighe: “Aa! Saghatiiŋ tau taghe ivot pani, tauta ivot wa!”
Tauvene utatan zi, ve ugham zi mayazi ve tighau tila.
Eemon tamtamon tisov tau tizuzuari zi payo na,
yes pale tintinizi ve lolozi poia payo.
Yes tau lolozi pa uleeŋ tsio kat,
ene pale monmon tisavsaav tighe: “Maaron, i eeza tiina le tiina kat!”
Yoova, pataŋani tane itatan ghau le tapirig isov kat. Narau gabua eta muul mako.
Ve yo mon ta Uleeŋa tsiau. Yau naghur matag payo to upas ghau navot pa pataŋani tane.
Tauvene uzuar sov. Rekia ulam uul ghau!
Copyright information for `TUCT