aMt 21:16
bGnp 1:14; Mbo 19:1+
cMbo 144:3+; Hib 2:6
dHib 2:6-7
eGnp 1:28, 9:2

Psalms 8

Iit tamtamon tamin saa kaut poia ta Maaron maata iŋgalŋgal ghiit?

O Yoova, Tiina tsiei, yo utotoi ezam tiina irau taan isov.
Yo upabood taum pa mbonarim tau tiina kat. Iliiv gabua isov to sambam saamba.
Yo ughur yes geegeu ve yes tau siŋsiŋaiŋazi to tipait ezam ve titotoi tapirim.
Leso ugham koiamŋa tineneeŋ, ve upoon yes zeran to taliiŋzizi avozi. a 
Matag izala pa sambam saamba, ve naghita nimam muuri ighengheen.
Yau naghita kaiyo ve pitum tau yo taum ughur zi tila niazi na, b 

ve naghe: “Yei tamtamon to taan, nimin saa kaut poia, ta yo matam iŋgalŋgal ghei?
Mindai ta yo matam payei? c 
Yo ughur ghei nizi rigmon pa yes aŋela ve yo taum.
Ve upakur ghei, ve ugham ezamai ivot imin tiina. d 

Yo ughur ghei to niŋgin yo nimam muuri,
ve ughur gabua isov ila yei sambamai: e 

Ŋgai maata maata to nughei,
ve gabua tisov tau tileep izi su,

man tisov tau tirovroov ila taitai saamba,
ve iigh tisov tau tilaghlaagh ila te loolo.
O Yoova, Tiina tsiei,
yo utotoi ezam tiina irau taan isov.
Copyright information for `TUCT