aMbo 48:1

Psalms 87

Zion, nugh patabuyaaŋ to Maaron

Mbouŋ to yes Kora

Yoova tauu ipayooz nugh tooni izi loloz tooni patabuyaaŋ.

I loolo pa nugh Zion kat iliiv nugh naol tau Yakop paaghu tooni tileep ila na. a 

O Yerusalem, yo Maaron nugh tooni.
Tauta tamtamon tipait varum kat.
Maaron isaav ighe: “Yes Isipa ve Babilona pale tiwatagh ghau, ve nawaat zi ‘tamtamon tsiau.’
Ve yau aat nasaav pa yes Pilistia, yes to nugh Tiro, ve yes to Etiopia paam tauvene:
‘Yam amin Yerusalem tamtamona, raraate imin yes tau tipoop zi izi ta sene.’”

Onoon kat, pale tisavia nugh Zion tighe:
“Maaron Tiina Tau Iliiv Zimaronŋa Tisov na igham tamtamon to nughmariŋ timin Yerusalem tamtamona.
Nugh tawe, i tauu ipayooze.”

Tauvene saawe tau Yoova ibood tamtamon tooni ezazi ila rau,
i pale ibood saveeŋ to ipaghazoŋai nughmariŋ tawe ighe: “Yes nugh tauu to Yerusalem.”
Tauvene tamtamon pale timboumbou, ve titortor toman lolozi poia, ve tisaav tighe:
“A Yerusalem, yo umin puura tau yaa bolokbolokia pani. Pasaa, yo, tauta gabua popoia katini ivotvot payei!”
Copyright information for `TUCT