1 Samuel 11

14 Di, Samuel biteni mi xil bit, “Taxeak, xir vus rihe Kilkal tengan risuv xat Sol mei ihe suv toto nar.” 15 Ma, xil vus labe Kilkal. E rute ak, e von moten teni, xil lasuv xat Sol mei be suv toto nae. Di, labas vongoro xil e ladin xil e hor te sanien. Del rut sanien xil ak, Sol del mol-Isrel xil vus lapol ni anien tei xa eilep ve rin ak.

Melele xa Sol mei tehe suv toto na mol-Isrel xil, huram nan tehe hanutap tei e hexalu mun (30). Xi tetel moletin te vaeen xil tahal Isrel ba latevae tetel mol-Amon xil e latehas tan ni xil.

Dutou ni ngan ak, lateha mun di latevae tetel mol-Filistia xil. E melele xa mol-Isrel xil latepus xil, ulixil tekan vengan xa latehe holu pupu. Sol di tetatil provet Samuel tengan vamei vapol ni sanien eo tei vaha mi Iahova, ti lava sung lavae. E Samuel tenamei ti vamanon. Ma Sol tang ba tepol tasen ni sanien eo ak. Sexien ak tesak ni Iahova, en teati ven.

Copyright information for `TVK