1 Samuel 18

Sol Minem Misa ni Deved

1 Samuel 18:6-9

Dutou ni vaeen xa Deved tehas vin Kolaeot en, moletin te vaeen xil ladilomun labe tim e labesi xil. E melele xa di langgusil suse laba, atou xil te taon xil vus tahal Isrel mei labisu ni suv toto Sol del memesien. Xil di lakikei del sien, labas kikiri e di lapilei ni ukelele nae xil. Melele xa atou xil di labol, di lakikei ni labit,

“Sol tehas vin moletin tehe taosen tei (1000),
e Deved sung tehas vin taosen be hexalu (10,000).”
Melele xa Sol milonge mak, milonge misa e ien mikat pupu. Xi biteni mi xi tasen bit, “Xil di labiteni xa Deved tehas vin moletin xa tehe taosen be hexalu (10,000), e inou, labit taosen tei (1000) tang. !Nave nousav ti, xil lilingi mei ihe suv toto!” Ma melengien nen ak vari teha, xi di tenem tesa ni Deved.

Sol nggulehi tang di misa Deved be vaeen xil tengan ha vamat e he ngan xil xa di bae del xil. E vehakut, Deved dit bas vin xil vus. Misak ni hisen be nesao mu.

Ma Sol miketeh misa pilei sung ni Deved. Xi mun misak pisi tengan vahasi vamat, e misakrasi. Ma, Deved pus kila xa xi ilesae tang, maxani, Sol ihasi imat. Ma vatakes milesae reling Sol.

Deved ba minggus e rute sav xil e mileh viton vanut moletin xil mei lamos dela, e xi mei be vat nae. Melele xa moletin te vaeen xil tahal kantri sav lamei tengan lavas mol-Isrel xil e rute tei, Deved del moletin nan xil ak mei labae kokoe xol xil.

Sol del moletin te vaeen nan xil di lakapis e rute xil vus e di lasak tengan lakamet Deved e lavasi vamat. E lasakras. Be valu ngamu xa vongite Deved vahas Sol vamat e xi ien ti tavei vapurun ni vengan xa Sol be suv toto xa Hi tehosei.

Copyright information for `TVK