Genesis 12

Iahova Mikes Ebram Tengan Vahusili

Senesis 12:1-7; 13:5-6, 9-18

Moletin xil latetasil ba lateti rute sav xil ba vuma ... moletin tei testal e vatimol na Sem, nat Noah, hisen Ebram.

Vatei, Iahova mei biteni mi Ebram bit, “Umea ra kantri nam, vatimol nam, e tim sa tamom. Ha ute rute tei xa inou, nipisen ni mi xouk. Mak, ma nisak ni ngan xil xa listal lixo xouk mei lihe vanut moletin tei xa ihe eilep. Nituxol xatuk e nipol ni hisom ihe nesao e moletin xil lilongeong ni. E ixo xouk, tuxolxatien navan iha mi moletin xil vus te ut etan.

Ngan xil xa lisa sepinien te tuxolxatien mi xouk,
inou nisa tuxolxatien mi xil.
E ngan xil xa lisa sepinien te halesil iha xatuk,
inou mun nisa sepinien te halesil iha xat xil.
E xouk uhe suse te tuxolxatien navan
iha mi moletin xil te vatimol xil vus te ut etan.”
Misak ni, melele xa Ebram telong xat rae na Iahova e temea ra ut Haran, huram nan tetuxoh hanutap tol e le tei mun bus (75). Ebram tehe xal atou nan, xa hisen Serae. E horamue na tuneli mun xa hisen Lot, tehusili. Xatel lattesak mesen holesok xil vus natel: moletin te polien natel xil, tetel vongoro xil vus xa latehe holu tova tang xa di lattelaxat xil e ut Haran. E melele xa lattesak mesen holesok xil tevus, xil vus latekakao latehe ut Kenan.

Melele xa laduxoh ut Kenan,
Ebram del moletin nan xil laka pas kantri nen ak ba vuma ... lamei e ut xa lakesi ni 'Sekem'. E rute ak, e ut xa lakesi ni 'Morah', xil lapol ni horao mae xil sangas visal vatiei eo tei xa mahulong xa tehe te nousav. (E melele nen ak, ngan xil tahal Kenan latehe hortan tamu e rute ak.) Di, Iahova bemei mistal mi Ebram e biteni mini bit, “Tan te rute ak, nisa ni mi vatimol xil xa mei listal lixo xouk.” Di, Ebram mileh hat xil xa mahulong, e pol ni hor tei e din sanien eo nan en ba mi Iahova xa temei testal mini.

Copyright information for `TVK