Genesis 45

Di, Siosep biteni mi xil bit, “Mumei sangas.” Ma xil laba nggoni ngan xi biteni. “Inou nabe tua namim Siosep, ngan xa mutepos ni tehe slev na mol-Isip xil. Munalonge ti nasa mu munangor ti mi xamim vengan xa naha xa mutepol ni minou tehusil lingxatien na Hi. Xi tesil nou natetiamu ni xamim tengan xa niteh meulien na moletin xil. Ngan ak be huram lu sung xiak xa anien tovuol e ut xil hao, e huram lim (5) di tamu xa moletin misakras vapol ti mun e naho san. Hi tesil nou natemei inggak tengan inou nipol ni vatimol nar xil linakesae ti, e tuten nar xil mun xa listal lixo xir ti limeul vehakut. Misak ni, tenave xamim ti iaxa mutesa rat nou natemei inggak, e Hi iaxa tesa nou. Reitin, xi vari tepet rat nou mei nabe he metu na suv toto tahal Isip. Inou nabe eilep e nim man e nabe Vat te Kavmen e kantri nan xa eilep xiak.

“Mutemanon muhe visal tata e muhiteni mini xa Hi pol ni nou, natneli, mei be Vat te Kavmen tahal Isip. Misak ni xi natamerou ti, e itemanon imei visal nou. 10 Xi mei ite e tan tahal Kosen sangas visal nou. Xi itel horamue nan xil, tuten nae xil, sipsip sae xil, nani sae xil, e itel buluk sae xil mun. Xil lileh vuol ni holesok nae xil e limei. 11 Xosxa mei liti e tan tahal Kosen, ma inou nikila nilaxat kuh xil. Huram lim (5) di tamu xa anien ihe tovuol. E ieok ti tavei xa tata, mu vatimol nan xil, mu vongoro sae xil mun lilel ve mae kekaten ak.”

25 Misak ni, tuneli xil lamea reling hal Isip e ladilomun labe tim sa tame e hal Kenan. 26 Xil laba labiteni mini labit, “!Tata! !Siosep meul tang da! !Xi be Vat te Kavmen tahal Isip!”

Melele xa Siekob milonge, en bon e take reitin ti e xil.
27 E melele xa labit vuol ni sepinien na Siosep mini, e pus kat xil xa mahulong xa hos di milihi xa Siosep tesa ni tengan mei ihuri ihe hal Isip, xi misehseh kuhi sung e mike reitin e sepinien nae. 28 Xi biteni bit, “!Reitin li! Natuxoli Siosep meul tang da! Rava li mu tengan nipusi ti ni metok, iti, nikila nimat sung.”

Copyright information for `TVK