Genesis 7

Melele xa Noah xatel lattepol vuol ni tuturil xa mahulong xiak, Iahova biteni mini bit, “Uhe vangit tuturil ak itel ngenom xil vus. Vengan xa inou, nakameti xa xouk tasom e ut etan di opol ni naha xa momal pe metok. E itel xat xamitel, uleh hisit vongoro savsav xil xa lamese pe metok xa ukila uhas xil lihe te sanien eo minou ihe hat e le tei (14): lu e he sav (7) xa lihe malohos e lu e he sav (7) xa lihe atou. E hisit vongoro xil xa latamese ti pe metok, uleh xil lihe lulu tang: malohos tei itel atou tei. E hisit tuman savsav xil mun, upol ni imak tang: uleh lu e he sav (7) xa lihe malohos e lu e he sav (7) xa lihe atou. Isak ni, xil vus ak likila limeul e lipes rilomun ni tute xil. Upol ni imak vengan xa melengien lu e he sav (7) sutang di. Ti, nisa us tei xa ihe mahulong pupu. Us ak imus melengien e vongien ha vuma ... ituxoh melengien ihe hanutap lu (40). E melele nen ak, holesok xil vus xa lameul xa natepol ni xil, inou nisu lelen xil lihe reling ut etan.” Ma Noah pol vuol ni holesok xil vus xa Iahova tesemae ni mini tengan ipol ni.

16 Reitin, atou tei e malohos tei ra hisit holesok xil vus xa lameul ladi e ut etan e laba ladi vangit tuturil nggoni ngan xa Iahova tesemae ni. E melele xa xil vus labe vangit nim, Iahova mikoxol puiteh. 17 Di, us mus xa mus, tangel ti duxoh melengien hanutap lu (40). Oei mei polu e rute xil vus, e tuturil ak misal en.

23 Texo suse ak iaxa Iahova tesu lelen holesok xil vus xa latemeul lateti e ut etan: moletin xil, vongoro xil xa latemah e ngan xil xa latehe vuran, tetel tuman xil mun. E Noah kestang temeul, tetel ngan xil xa lateti e tuturil ak.

Copyright information for `TVK