Genesis 8

Di, Hi misa votiang tei mei buhi oei e misak ni be tan. Votiang buhi vuma ... duxoh huram tei. Di, tan da kesao sung.

15 Di, Hi biteni mi Noah bit, 16 “Xouk itel atou nam e horamue nam xatel itel atou nae xil, mustal ra tuturil ak. 17 Umaen tuman xil e vongoro xil vus mun listal. Xil litasil lihe ut xil vus, e lipesis mun mei lihe holu.” 18 Ma, Noah xal atou nan, horamue nalu xil del atou nae xil lastal. 19 Vongoro xil vus e tuman xil mun lastal ra tuturil, e xil latasil langgusil xat nae xil.

20 Di, Noah pol ni hor tei te sanien mi Iahova, e mileh kekes ni vongoro xil e tuman xil xa lamese pe met Hi. Di, bas vin xil e din lelen xil tengan vapisen memesien nae mini. 21 E melele xa vo sanien ak be nesao, Iahova pongosi bos e besi xi ven. Misak ni misep tasen ni bit, “Ninapurun ti mun ut etan ve sexien tesa na moletin xil. Vengan xa nakila xa melele xa xil labe horamue duxoh melele xa lamat, iexil bei lavusil sexien xil te tesaen kestang. Ninasu lelen ti mun holesok xil xa lameul ladi e ut etan naxoni ngan xa natepol ni.

22 “Nabit xati xa:

Xosali ituxoh hoxalite te ut etan, melengien te holesok xil vus mei istal:
melengien taluluhen e melengien taleh rerat anien en,
melengien te masoh e melengien xa ut itin en,
melengien te us e melengien te eai.
E melengien xal vongien, lalimei vehakut.”
Copyright information for `TVK