Job 23

Ma Siob bit rilomun ni mi xatel bitene,

“Neta sav xa di mutebiteni mak, inou niti ni ngan taxa ti niseputut usil rin navan mi Hi.
Vengan, tave ti neta xa xi di milong isien ve longpangasien navan, hen nggeih tamu da xat nou.
Tohiteni li minou rute xave vari iaxa nikila nikamet Hi en,
tengan nikila ha nihe voninen.
Xosxa imak, ma nihit vuol ni rin navan mini,
e nihit kil reitinen te sepinien navan xil mini.
Nabit nikil ti naha xa ihit usili,
e xi isa rilomun ni sepinien navan itep?
?Midep? ?Hi isa xeihen nan xil vus mei ita xat nou?
!E-e! Xi iteong kuhi ni nou melele xa nisepin.
Moletin xa memese pe met Hi mikila lalisepin vituei.
Io, xosxa nipol ni imak, ma xi mikila ihit rati pe met moletin xil vus xa inou natapol ni ti neta vasa.
Copyright information for `TVK