Job 4

Timue na Siob Xatel Latsepin Mini

Siob 4:1-9; 5:17; 6:1-3, 24-26, 30; 18:1-2, 5,12-13, 18,21; 19:1-3, 21-22; 20:1-2, 4-5, 27-29

Di, Elivas tahal Teman mea e misepin mi Siob bit,

“?Xosxa nisepin minuk, ma iem iat nou?
Vengan nasakras mun nata votei.
Xouk otepispisi mi moletin xil holu
e otesa xeihen mi ngan xil xa lamerou.
Melele xa moletin temot mu ven temal,
sepinien nam xil tetutou ni e tetal rat rilomun ni.
E taxeak, be xouk sung iaxa di olong pangasuk,
e otapin ti tengan ovisu mini.
Xosxa be reitin xa di omot mi Hi e meulien nam momal pe meten,
ma vasak ni nenesien nam vaxeih mu e nenexoen nam vahe tovuol.
Taxeak, unem pisi.
?Moletin tei xa sexien nan momal mikila imat ixo suse xa misa? !E-e!
E inou natepusi xa moletin tei xa dei tan te tesaen e milih utiei te sexien xa mikavui di en,
xi vari di tehur huit tesaen e koute te sexien xa mikavui xiak e meulien nan.
E moletin xil xa lamak,
Hi di mu len xil del ekaten nan nggoni votiang tei xa mu nggeih.
Copyright information for `TVK