Joshua 3

Mol-Isrel Xil Langgur Xoteh Oeisal Sodan

Sosua 3:5-6, 14-17; 5:1

Sosua biteni mi moletin xil bit, “Musak moten meulien namim vengan xa, visuvong, Iahova ipol ni merekel tova mei istal pe metemim.” Di, biteni mi pris xil tengan lipo Bokis te Hitxatien te Xeih na Hi e litiamu ni moletin xil itela. Ma xil lapol ni nggoni ngan xa xi biteni.

14 E melele nen ak, anien xil e naho xil tehe tematu. E tehe melengien xati mun xa oeisal teleh texeih. Moletin xil labe reling rute xa ladi en e laba tengan lavur xoteh Oeisal Sodan. E pris xil lapo Bokis te Hitxatien te Xeih na Hi e ladiamu ni xil. E melele xa pris xil ak laba tengan laterir ni lexil vahe oeisal, 16 oei taleh ti mun. Xi ba mitihu di nga sotin vuteili, sangas visal taon tahal Adam e taon tahal Saretan. Ngan ak misak ni suse xa oei teleh en mes, e taleh ti mun vahe tas. Ma moletin xil ak lakila lakakao lavur xoteh oeisal e rute ak, sangas visal taon tahal Seriko. 17 E melele xa moletin xil di langgur xoteh tan xa bue, pris xil xa di lapo Bokis te Hitxatien te Xeih na Hi lasoh ladi hilaep te Oeisal Sodan duxoh melele xa moletin xil vus langgur xotehi ba laduxoh rin.

Copyright information for `TVK