Psalms 136

Rimes Iahova ve Holesok xil xa Tepol ni

Mumes Iahova vengan xa xi bos.
Eheien nan ita vehakut.

Mumes Hi xa mili hi sav xil.
Eheien nan ita vehakut.

Mumes Hi Suv xa mili suv sav xil.
Eheien nan ita vehakut.

Xi kestang di pol ni holesok xil xa tellep.
Eheien nan ita vehakut.

Nggo kilakilen nan, xi tepeas ni ut nesao.
Eheien nan ita vehakut.

Xi iaxa teling ut etan tepat tete tas.
Eheien nan ita vehakut.

Xi tepol ni holesok xil vus xa di laleluv e tilang hat.
Eheien nan ita vehakut.

Teling eai tengan ilaxat melengien.
Eheien nan ita vehakut.

E teling aveti e hitu xil tengan lilaxat vongien.
Eheien nan ita vehakut.

10 Xi iaxa tehas vin muimol xil tahal Isip.
Eheien nan ita vehakut.

11 Di, teleh rerat mol-Isrel xil ra hal Isip.
Eheien nan ita vehakut.

12 Xi tepol ni temak tetel xeihen xa de hen.
Eheien nan ita vehakut.

13 Xi iaxa teleh pas Tas Tepili tehe rin lu.
Eheien nan ita vehakut.

14 Xi teleh moletin nan xil latekakao latehur xotehi.
Eheien nan ita vehakut.

15 E mi suv toto tahal Isip tetel moletin te vaeen nan xil, tekilkiles vin xil e tas ak.
Eheien nan ita vehakut.

16 Xi tetiamu ni moletin nan xil latehur xoteh uruvuol.
Eheien nan ita vehakut.

17 Suv toto xil xa latehur xeihen, xi tehas tan ni xil.
Eheien nan ita vehakut.

18 Xi temu vin suv toto xil xa latellep.
Eheien nan ita vehakut.

19 Io, xi tehas vin suv toto Sihon tahal Amor.
Eheien nan ita vehakut.

20 E tepol ni temak mun mi suv toto Oke tahal Basan.
Eheien nan ita vehakut.

21 Di, tesa tan nae mi moletin nan xil tengan mei ihe nae sung.
Eheien nan ita vehakut.

22 Xi tesa ni mi ngan xil xa latexo vatimol xil na Isrel xa tehe moletin te polien nan.
Eheien nan ita vehakut.

23 Xi tenem xat xir melele xa rateti pe he mosav xil.
Eheien nan ita vehakut.

24 Xi tepol ni vexir temase ra elu nar xil.
Eheien nan ita vehakut.

25 Xi di bangan holesok xil vus xa di lameul e ut etan.
Eheien nan ita vehakut.

Mumes Hi te ut nesao.

26 Eheien nan ita vehakut.

Copyright information for `TVK