Psalms 150

Ripet Rat His Iahova

!Ripet rat his Iahova!

!Ripet rat his Hi e ut nesao,
ripet rati e ut eo nan!
Ripet rati ve holesok xil xa latellep xa xi di pol ni.
Ripet rati vengan hisen be nesao mak mu.

Ripet rati itel amaru,
e ripet rati itel kitar e seka mun.
Ripet rati itel holen e hovave xil,
e ripet rati itel iukalele e vangivue mun.
Ripet rati itel bongo
e ripet rati itel maot-ogan mun.
Xamim vus xa di mumeul
ti mupet rat his Iahova.

!Xir vus, ripet rat his Iahova!
Copyright information for `TVK