Genesis 5

Adam Wawan Agirin

Adam wawan agirin wabis min atonio. On an rai God sabu ifofouris on, On Toun an itin ba ifouris. God on orot jever ifouris weie imomogines, ato i wabis, “orot a jever.” Adam ima an kwanda 130 weie natun orot Seth irat. Seth min taman an itin ba irat. Seth irat gibunai Adam on kwanda 800 ba ima weie nanatun orot a jever fani ba sirat. Ato on ima an kwanda 930 weie irabob.

Seth ima an kwanda 105 an rai on natun orot Enosh irat. Enosh irat on gibunai, Seth on kwanda 807 ba ima weie nanatun orot a jever fani ba sirat. Ato Seth ima an kwanda 912 weie irabob.

Namon Enosh ima an kwanda on orot bat, orot ta aurin auyotoat weie on natun orot Kenan irat. 10 Ato Kenan irat gibunai Enosh on ima kwanda 815 on amonai weie nanatun orot a jever fani ba sirat. 11 Enosh ima an kwanda 905 weie irabob.

12 Namon Kenan ima an kwanda orot ton, orot ta aurin auyotoat an rai, on natun orot Mahalalel irat. 13 Mahalalel irat gibunai, Kenan ima an kwanda 840 weie nanatun orot a jever fani ba sirat. 14 Ato Kenan ima an kwanda 910, weie irabob.

15 Namon Mahalalel ima an kwanda orot ton an yayatan nim weie natun orot Jared irat. 16 Ato Jared irat gibunai, Mahalalel on kwanda 830 ba ima weie nanatun orot a jever fani ba sirat. 17 Mahalalel on ima an kwanda 895 weie irabob.

18 Namon Jared on ima an kwanda 162 weie natun orot Enoch irat. 19 Ato Enoch irat gibunai, Jared on kwanda 800 ba ima weie nanatun orot a jever fani ba sirat. 20 Jared an ima kwanda 962 weie irabob.

21 Namon Enoch ima an kwanda orot ton an yayatan nim weie natun orot Methuselah irat. 22 On gibunai, Enoch an kwanda 300 ato on God ituranai rus si kaita sima, ato on nanatun orot a jever fani ba sirat. 23 Enoch on an kwanda 365 ba ima. 24 Ato Enoch on an yawas tutufinai God ituranai rus si kaita simama, on mes God ibo igai au safam.

25 Methuselah ima an kwanda 187 weie natun orot Lamech irat. 26 Ato Lamech irat gibunai, Methuselah on an kwanda 782 ba ima, weie nanatun orot a jever fani ba sirat. 27 Ato Methuselah ima an kwanda 969 weie irabob.

28 Lamech ima an kwanda 182 weie natun orot irat. 29 On wabin iyor Noah,
5.29Hebrew dura wab Noah an tatamin on sau Kubainunub.
ato iyau, “On arimon ini basit in kaifaret ati bai sababan a usi baban an werai, yabin ato motob on BADA iyaudabai yen.”
30 Noah irat gibunai on Lamech ima an kwanda 595 weie on nanatun orot a jever fani ba sirat. 31 Lamech ima an kwanda 777 weie irabob.

32 On gibunai Noah ima an kwanda 500 weie on nanatun orot ton sirat. Osi wabis min, Shem, Ham a Japheth.

Copyright information for `UBR