Colossians 2

2:1-5 Kirasinge Ungumu ‘Sike’ Ningu Tondolo Munduku Pilku, Kolo Toli Ungume Liku Su Singemonga Ungu Te

Eno kinie, Kirasinge yembo talape LLadosia taono molemelema kinie, koleamanga pali yembo na naakanolemele yemboma kinie, eno ‘Paa lipu tapondambo.’ nimbu mindili sipu kongono tendelio mele ‘eno piliengi!’ konopu lekero. “Eno konopu tondolo pupili molko, anjo yando konopu mondonge ulumuni eno lipe tere lendemba kinie eno ⸤Kirasinge⸥ ulu pulume pali mimi siku pilkulie ‘Sike.’ ningu tondolo munduku pilimele mele kamu-kumu aku siku olandopa pilku molangi.’ nimbu na paa mindili silio. Aku siku pilkulie Pulu Yemonga ungu lopi tepa pelemomonga eno piliengila!’ nimbu na mindili siliola. Aku lopi tepa pelemo ungumu Kirasi yu.
2:2*inie yakondo 1:26.
Pilipe konginjeli ulu pulume kinie, konopuni pilimele ulu pulume kinie, aku ulu pulume Kirasi yu kinie lopi tepa pelemo. Akume kou mone mele bengena tengepea tepa lemo mele yu kinie aku sipe pelemo. ‘Yembo marene enondo kolo toko ungu peanga mare ningu kondi tonge.’ nimbulie iungumu eno nimbu sikiru. Na eno kinie naa molio nalo ‘eno kinie molio.’ konopu lepo, eno tapu toko tondolo munduku kongonoma sumbi siku teko Kirasi ‘Sike.’ ningu tondolo munduku pilku
2:5*,7,12bokumunge alsena anjokondo “8. bilip”.
siye naa kolemele mele nanga konopumuni kanopolie lakopo konopu silio.

2:6-23 Kirasi Kinie Pea Tapu Topo Molemolomonga We Mana Yembomane ‘Teaa’ Ningu, Ningu Panjilimele Ungu Manemane Olio Naa Nokolemomonga Ungu Te
2:6-23 Ungumu*Gallesia 3:1-25.

2:6-15 Olio Kirasi Kinie Pea Tapu Topo Molopo Konde Molopa Kondoli Ulu Sikemo Limolo Ungu Te

Pe kinié ‘Kirasi Yesusi olionga Awilimu
2:6*bokumunge alsena anjokondo “23. Krais”, “6. Bikpela”.
molopili, pea molamili konopune opili.’ niringi mele yu kinie pea tapu toko molangi.
Unjo te ⸤tondolo mundupe angilimbendo⸥ yunge pulkinioma mana manie mundulimo,
2:7*Epesasi 3:17.
ulke te ⸤‘tondolo pupe angiliepili.’ ningu⸥ simu enge nili te polemele,
2:7**inie yakondo 1:23.
eno ‘aku sipu tondolo mundupu angiliemili.’ ningu unjomo mamo kinie tapu topa angilipe ulkemo simu kinie tapu topa angilimo mele eno Kirasi kinie aku siku tapu toko angilku, olione eno mane sirimulu ungume ‘Sike.’ ningu tondolo munduku pilieringi mele olandopa tondolo munduku pilkulie, alieli Pulu Yemo kinie ‘Ange.’ niengi.

‘Yembo tene ‘yunge konopuni pilimo mele eno aku siku mele paa konopuni pilku molangi.’ nimbe we ungume kolo topa eno nimbe simbe.’ ningu kanoko kondoko molangi. Anda-kolepalimene ou mane siringi yandopa pilieringi mele kinie, ma koleamanga pali nokolemele kurumenga ungume kinie, kanu yembomane pilkulie eno ningu silimele. Kirasinge konopuni pilimo ungume naa pilku ningu silimele.
2:8* ,20 Gallesia 4:3,9.


Kirasi mana ye alierimu kinie Pulu Yemo yuyu molopa telemo mele aku sipe ulu pulumu Kirasi yunge kangine pepa tengepea telemo mele
2:9*inie yakondo 1:19.
eno pilimele kanumu.
10 Akumunge, aku yemo Pulu Yemo molopa telemo ulumu yu-kinie pelemo akumu eno yu-kinie tapu toko molemele kinie Pulu Yemone eno kepe silimo eno-kinie tengepea tepa pelemola. Kanu ye Kirasimu yu mulune kuru enge nilime kepe, aku mele namba pelemo-na melema nokolemelemanga pali, yu ye olandopamo molemo.
2:10*inie anjokondo 2:15, Epesasi 1:20-21, 6:12, Kollosi 1:16, Ipuru 2:15.


11 Eno yu-kinie ongo tapu toko moloringi kinie kangi te kopisiku wendo lili ulu pulumu eno sirimu lsingi. Aku kangi te kopiseli ulu sirimumu yembomane kangikundu telemele akumundu naa nirimu. Kirasini tenderimu ulumuni olio kangi te kopisipe wendo lili ulumu lsimulu, akumu olio ulu pulu keri terimulumenga ou-we-konopumenga tondoloma manie purumu.
2:11*,23bokumunge alsena anjokondo “29. olpela bel”.
Aku ulumu kangi te kopisipe wendo lili ulu sikemo.
2:11**Romo 2:28-29, Pillipai 3:3; bokumunge alsena anjokondo “18. katim skin”.
12 Eno no linderingi kinie Kirasi kinie pea eno ono teringi kanumu. Pe eno ‘Sike Pulu Yemone yunge tondolomone Kirasi topa makinjinderimu.’ ningu tondolo munduku pilieringimunge Kirasi topa makinjinderimu Pulu Yemone eno no lsingi kinie Kirasi kinie pea topa makinjinderimula.
2:12*Kirasi kinie pea kolorumulu, yu pea ono teringi, yu pea lomboropo ola molorumulu mele ungu mare inie anjokondo 2:20, 3:1,3, Romo 6:1-14.


13 Eno ou-we-konopume pepili ulu pulu kerime teringi kinie kepe, eno Juda yemboma naa molko yembo lupema moloringimunge Pulu Yemonga ungu manemane eno naa nokorumu kepe, aku uluselone eno topa kondorumu, yembo kololime mele moloringi,
2:13*Epesasi 2:1.
nalo Pulu Yemone ‘Eno Kirasi kinie pea konde molangi.’ nirimu.
2:13**Epesasi 2:5.
Yuni olionga ulu pulu kerime siye kolopa ‘Kamu manie pupili.’ nimbe,
14 Mosisini Pulu Yemonga ungu manema bokune torumumene oliondo alieli ‘Teko kenjilimele.’ nilimo ungu manema olio tondolo mundupe nokorumu tondolomo ‘Olio kotena uluri naa tendepili. Kamu manie pupili topo manie mundembo.’ nimbelie ⸤Pulu Yemone⸥ aku ⸤ungu mane⸥ ma lipe ⸤Kirasinge⸥ unjo perana pirimúni uku topa mondorumu. 15 Mulune kuru enge nilime kepe, aku mele namba pelemo-na melema nokolemelema pali
2:15*inie yakondo 2:10.
enonga tondoloma unjo perana ⸤kolorumumunge⸥ topa manie mundupe,
2:15**Mateyu 12:29, Jono 12:31.
“Kurumenga enge te naa pepa kamu manie purumu lemo.’ ningu kanangi.’ nimbe eno lipe ora sirimu.
2:15***Yembomane enonga opa-puluema kinie opa teko yembo mare pulu siku ambolko liku ka sikulie ‘opa-puluema topo mundomulu mele yemboma kanangi.’ ningu mengo oringi mele Pollone pilipelie ya inie ungu aku sipe nirimu.


2:16-23 Kirasi Kinie Pea Kolorumulumunge We Ungu Manemane Olio Naa Lipe Tapondolemo Ungu Te (2:6-23 pali kanani.)

16 ⸤Yuni aku terimu⸥ kene ‘Yembo tene olio langi nombo no nombo wale kake telimenga ulume tepo, oli ke tolemo kinie ulume tepo, koro mololi wale Sambatemanga
2:16*bokumunge alsena anjokondo “37. Sabat”.
ulume tepo, aku ulumenga yembo tene temolo mele apurupe ungu mane te naa nimbe panjipe, iri topa “Teko kenjikimili.” ni naa nipili.’ niengi.
2:16**Romo 14:17,5-6, Gallesia 4:10, Ipuru 13:9.
17 Ulu akume ‘Teangi.’ ningu ou ungu manema ningu panjeringi akume pe wendo ombá ulu te manda manjiku aku ulume teringi.
2:17*Ipuru 10:1.
Aku ulumenga sike ulumu Kirasi-kinie pelemo.
18 Yembo te kumbu tepa kanolemo melema temane topa yu yuyu ‘Konopu siembo kene nanga imbi ola naa molopili molambo.’ nimbe kolo topa, angellomanga imbi lipe ola mundundupe kapi nilimo yembo tene ‘Aku sipu teliomonga na nanu pilipe konginjeli olandopa pelemo.’ nimbe “Eno telemele mele teko kenjilimelemonga Pulu Yemone eno mele naakalomba linge.” nimbé kinie yunge ungumu naa piliengi! Kanu yembomo yu yuyu yunge ou-we-konopumuni aku sipe pilipe yuyu imbi lipe ola mundulimo. 19 Kanu yembomo yu Kirasi kinie tere leko naa molembele, lupe lupe molembele. Olio Kirasinge kangimu, yu kangimunge pengemo.
2:19*ungu pulu te inie yakondo 1:18*.
Pengemone kimbu ki kangi melemanga pali nokopa, ombele pulkinio melema pali ‘enge nipili.’ nimbe
2:19**Epesasi 4:15-16; ungu pulu te Epesasi 2:21.
langi silimo, aku sipe mele Kirasi olionga pengemone olio yunge kangimu yu kinie lipu tere lepo molemolo kinie aku telemo. Aku telemomonga Pulu Yemonga engemone ⸤Kirasinge⸥ kangimu tepa awi silimo.

20 Eno Kirasi kinie pea kolkolie ma koleana ulume kamu siye koloringi, telune manda naa molongemonga nambemune kinié eno ya ma koleana yemboma mele molko ma koleana ungu manema pilku liku teko molemeleye? 21 Ungu manemane ⸤langi mare kinie no mare kinie akumendo⸥ “Naa ambolaa!” nimbe, “Naa naa!” nimbe, “Kini simbi naa tondangila.” nilimo aku ungu manema mele nambemune pilku liku telemeleye?
2:21*Juda yembomanga ye nomimene Pulu Yemonga ungu manema pilkulie olandopa ungu awisili isili mele mane siringila.
22 Aku ungu manema pali mana yembomane mindi konopuni pilku “I siku teaa. I siku teaa.” ningu ungu mane silimelemonga aku ungu manemane “Pilku teaa.” nilimele melema kinie ulu mare telemele kinie walsikele kamu-kumu keri lepa manie pulimo. ⸤Kanu melemane eno lipe tapondomba ulu te naa pelemo.⸥ 23 Kanu ungu manemane “olio imbi naa molopili molamili.’ ningu, melema kapi ningu imbi liku ola mundunduku, ‘olionga kangime mindili nopili.’ niengi.’ ningu ulu mare aku siku telemele mele kanokolie ‘aku ungu manema pilipe konginjeli paa pepa peanga lemo.’ sike nimbu kanolemolo nalo olio ou-we-konopumuni ulu kerime mindi pilipu ulu pulu kerime mindi waka lemo ulume ‘Topo manie mundemili.’ nimbe lipe tapondomba ulu te kanu ungu manema kinie paa naa pemele.

Copyright information for `UBUKALA