Revelation of John 17

⸤Pulu Yemonga mumindili kololi ulume perimu⸥ mingi yepoko pakera ou ambolko moloringi angellomanga tene na molorundune ombalie nimbendo: “Ambo wapora toli awilimu, no awisili omba pulimomanga
17:1*Konana 137:1, Jeremaya 51:13. Kolea awili Bepillono no awisili omba purumu akumunge iungu iko Bepillononje. Nalo sike Bepillono, molo koronga-ou Bepillono yemboma teringi mele pilku Romo ningu niringinje? Inie 17:9** kanani.
ola molemomo, aku sipe telemomonga mindili singe limbe mele lipu ora siembo ou.” nirimu.
“Mana moloringi ye nomi kingime kinie yu-kinie wa ulu kerinele teringi; we yembo mana moloringime kinie yu wa ulu kerinele terimumunge no-waene nongo kekelepa tolemele mele aku siku kekelepa toringi.” nirimu.
17:2*inie anjokondo 18:3; ungu pulu te 14:8**.


Kanu kinie pe na molorundune Minimu omba ambolorumu kinie
17:3*inie yakondo 1:10, 4:2.
angellomone na kolea ku lieline memba purumu kinie akune ambo te mele-takera kondoli tenga bulu mingine molorumu kanorundu. Aku mele-takeramonga kangine imbi awisili molorumu, aku imbime Pulu Yemo marake teko ungu taka tondoringi imbime molorumu. Aku melemonga penge yepoko pakera kinie ungú rureponga talo kinie angilierimu.
17:3**inie yakondo 13:1.
Aku ambomo ambo kamako nomime pakolemele mele wale-pakoli kondoli talo pakopa, kou-gollo kinie kou kangi lupe-lupe kololi kou mone awili tepa pulimoma kinie siripelu kake tepa kou mone awili tepa pulimoma kinie akumene yu animbe molorumu.
17:4*inie anjokondo 18:16.
Yu no mingi kou-gollone teli te ambolorumu, aku mingimunge sukundu yu wa ulu kerinele terimumunge mele paa keri kalaro mololi awisili pepa peke lierimu.
Yunge mambelena yunge imbi molorumu, aku imbimu ungu iko te molorumu, akumu isipe:

BEPILLONO
17:5*ungu puluselo inie 17:1* ,17:9**.
PAA AWILIMU, WAPORA TOLEMELEMA KINIE

MANA YEMBOMANE ULU PULU PAA KALARO MOLOLI KERIME

TELEMELEMA KINIE ENONGA ANUMU

nimbe molorumu.
Pulu Yemonga yemboma kinie, Yesusi ‘Yu sike.’ ningu pilku yunge ungume andoko yemboma ningu siringi yemboma kinie, aku siku teko moloringimunge kanu ambomone eno topa kondorumu. Yembo te no tondolo nombalie kekelepa tolemo mele yuni eno torumumenga memema omba purumumunge yu paa konopu sipe kekelepa mele torumu.

Akumu kanopolie paa mini-wale mundupu konopu awisili lipu mundorundu.
Aku terindu kinie angellomone nimbendo: “Nu nambemune konopu awisili liku mundukunuye? I ambomo kinie mele-takera penge yepoko pakera kinie ungú rureponga talo kinie angilimomone ambomo memba pulimomo akuselonga ungu pulumu nu nimbu siembo. Mele-takera kanonumu ou molorumu, kinié naa molemo, pe kowa muru te paa lepa mindi pupe naa pora nilimomonga wendo omba yu kolomba aulkena pumbe.
17:8*inie 17:11.
Mana yembo mare, mamo ou wendo naa opili Pulu Yemone molopa mindi puli bokune
17:8**inie yakondo 3:5*.
imbi naa torumu naa molemo yembomane kanu mele-takeramo kanokolie, ou molorumu kinié naa molemo nalo kelepa wendo ombá kinie kanokolie konopu awisili liku mundunge.

“Mimi siku konopu kimbu siku pilinge yembomane imunge ungu pulumu pilingenje.
17:9*inie yakondo 13:18.
Penge yepoko pakera akume ambomo manie molemo ma pangi yepoko pakera.
17:9**‘Kolea awili Romonje.’ nilimele. Kolea awili Romo ma pangi yepoko pakera angilieringine lierimu.
10 Penge yepoko pakera akumenga pulu talo sipemo ye nomi kingi yepoko pakera. Aku kingimenga kise pakera koloringi; te kinié we molemo; te ou wendo naa oli. Nalo yu wendo ombá kinie wale laye-kolte mindi kolea nokopa molomba. 11 Mele-takera ou molorumu kinié naa molemo akumu ye nomi kingi engaki sipemo. Yu kinie kingi yepoko pakera kinie eno talape telumu, yu kolomba aulkena pulimo.
17:11*inie 17:8.


12 “Ungú rureponga talo kanonu akumu ye rureponga talo ou ye nomi kingi naa molko koleama naa nokolemelema. Nalo pe mele-takeramo kinie pea eno ye nomi kingi nambama likulie ena mongo telu mindi koleama nokonge. 13 Kingime enonga konopu telu sipe pepili molkolie, enonga tondoloma kinie kolea nokonge nambama kinie mele-takeramo singe. 14 Eno Sipisipi Walomo
17:14*bokumunge alsena anjokondo “44.3. Pikinini Sipsip Bilong God”.
kinie opa tenge, nalo Sipisipi Walomone eno topa manie mundumbe. Yu ye awilimenga ye awili olandopamo, yu ye nomi kingimenga kingi olandopamo molopa, yuni ou mako topa ‘Nanga yemboma molangi waa.’ nirimu-ne yuni nilimo ungume tondolo munduku pilku lombili pulimele yemboma yu-kinie tapu toko puringi-ne eno topa manie mundumbe.” nirimu.

15 Aku nimbelie angellomone nando nimbendo: “Nu no omba pumu, akumenga ola ambo wapora tolemomo ola molomu, aku noma yemboma kinie yembo talapema kinie yembo kangi lupe lupe angilimoma kinie yembo ungu lupe lupe lemele yemboma kinie.
17:15*inie yakondo 5:9, 5:9*.
16 Mele-takeramo kinie ungú rureponga talo kinie kanonu akumene
17:16*inie yakondo 12:3.
ambo wapora tolemomo-kinie konopu keri panjikulie, yu paa teko kenjiku ‘Yu we-we andopa molopili.’ ningu mulumbalema pali kulunduku, yunge kangine míndi mare toko nongo, ‘yu kamu tepene nopili.’ ningu kalonge.
17 Pulu Yemone ‘Kingime yunge kongonomo tendangi.’ nimbe ‘konopuni pilku teangi.’ nimbe pilierimu mele enone aku siku pilku ‘eno kinie mele-takeramo kinie konopu telune pupili molamili.’ ningu enonga koleama nokonge nambama mele-takeramo singe. Eno aku siku teko molangi Pulu Yemone ‘Wendo opili.’ ou nimbe panjerimu ungume wendo ombá. Kanu kinie enonga kongonomo pora nimbé.

18 “Ambo kanonumu mana molemele ye nomi kingime pali nokolemo kolea paa awilimu.”
17:18*Bepillono kanumu.
nirimu.

Copyright information for `UBUKALA