Psalms 96

Huic David, quando terra ejus restituta est. [Dominus regnavit : exsultet terra ;/ lætentur insulæ multæ./ Nubes et caligo in circuitu ejus ;/ justitia et judicium correctio sedis ejus./ Ignis ante ipsum præcedet,/ et inflammabit in circuitu inimicos ejus./ Illuxerunt fulgura ejus orbi terræ ;/ vidit, et commota est terra./ Montes sicut cera fluxerunt a facie Domini ;/ a facie Domini omnis terra./ Annuntiaverunt cæli justitiam ejus,/ et viderunt omnes populi gloriam ejus./ Confundantur omnes qui adorant sculptilia,/ et qui gloriantur in simulacris suis./ Adorate eum omnes angeli ejus./ Audivit, et lætata est Sion,/ et exsultaverunt filiæ Judæ/ propter judicia tua, Domine./ Quoniam tu Dominus altissimus super omnem terram ;/ nimis exaltatus es super omnes deos./ 10 Qui diligitis Dominum, odite malum :/ custodit Dominus animas sanctorum suorum ;/ de manu peccatoris liberabit eos./ 11 Lux orta est justo,/ et rectis corde lætitia./ 12 Lætamini, justi, in Domino,/ et confitemini memoriæ sanctificationis ejus.]
Copyright information for VulgCT