Mark 16

Maranaina Sabate i kwaha au murina, Mary Magdalene ma James ayona Mary ma Salome dadi ghabughabuna hi gimarai da Yesu, tupuwana hitavi niuri.
16:1Jew ahi vaivai da rava i hiraghe yana tupuwana hinavi niuri muriyai da hina ghuruvi ma wei waivinehi yamna vaivaina hi ghohei da hita votaghotaghoi.
Sunday maratomtom boiboghi hivo mahiri ma hi nae au kokowaga.
16:2Gha'ima hi kabari ma hi gharai da i ravigubai ma kampa tupuwa hivi enoi
Hi naenae ma hivi tarapiri da aiya'i gha'ima inavi tovitovira riyei. Wate maranaina hita inana nae yana gha'ima boiboghi hivi tovitovira riyei. Maranaina hi rui au kokowaga, oroto tagogi gara ara'arapoirina i oteni ma tauhi au ahu ohohihiyei hi inanai i tughutughura ma tauhi hi ghohorihi. Ma i riwa “Egha ona rovo! Taumi Yesu Nasaretiyei hi tupatuparatuiya o baibaihei bo? Tauna egha weka, i yawahana da ivo mahirime. Ona inana! Wei au gabuna hivi enoi.”

Wate ona nae ana tauvotaghotagho ona riwehi ma Peter maiteni onapari verei. Tauna i ainae au Galili. Kampa ona inanai me i ririwa nana'arena.

Anina ma, ana rovohi ma ana nuwa ragharaghahi hi rubame. Tauhi hi rovo kauwa da egha aiya'i ghehauna hitavi heghei.

Mark 16:9-20

Mark ana tuyegha ahi'ahina i girugirumiya damona yana warihagha hi vineboai bo hivi apoapoeni. Rava ghehauna eghana 9 da au 20 i girumi. Metauhi i notanotaiya i girumi. Ma damonana we'i.

Yesu Mary Magdalene awarina i hegha

Maranaina Yesu au Sunday hubahubanai boiboghi, hiragheyei ivo mahirime Mary Magdalene awarina i hegha. Tauna aunaonei aruwa-apoapoehi seven auwarina ivi hopunihi. 10 Anina ma Mary Magdalene i naeme da Yesu ana tauvotaghotagho hivivi nuwaboya ma hi toutou i riwehi. 11 Ma maranaina ana tauvotaghotagho tuyeghana hi nonori da tauna i yawahaname ma Mary Magdalene tauna i inanai, wate tauhi egha hitavi tumaghanei.

Yesu ana tauvotaghotagho ruwagha auwarihi i hegha

12 Muriyai Yesu [inanana tapuna ma] i hegha ana tauvotaghotagho ruwagha auwarihi, maranaina tauhi hi naenae au meyagai gheha. 13 Tauhi, hi wanavirahi da ahi rava ghehauhi hi pari-verehi ma egha hitavi tumaghanehi.

Yesu ana Aposel eleven auwarihi i hegha

14 Muriyai, Apostle eleven, hi am'am ma Yesu auwarihi i hegha. Tauhi koyahi i bagibagi kauwa da ahi rava Yesu hi inanai da ivo mahirime ma egha hitavi tumaghanehi. Yamna aubaina da Yesu tauhi i enihi. 15 Tauna, we nana'arena i riwehi, “Ona nae meyagai au anatapuna ma rava anatapuhi auwarihi tuyegha ahi'ahina ona rau-guguyei. 16 Aiya'i da evivi tumaghana ma i babataito yamna ina yawahana ma aiya'i da egha itavivi tumaghana apo God inaparivai apoapoeni. 17 Ma tau vitumaghana apo wava'uwei, wei matakirahahi hina ghohahi. Aruwa-apoapoehi rava au horahi hinavi hopunihi ma pona ghehei hina dede. 18 Mota hina vaini ma wa'iyawa hina umai, egha apoapoe hina tuhaghai.”

God Yesu i ghaiyei au mara

19 Maranaina Yesu ana Apostle auwarihi i dede vorove, God i taravaini da i ghaiyei au mara da gabu au vinevinena i tughura. 20 Anina ma tauvotaghotagho hi nae meyagai ma dobu au anatapuna ma rava auwarihi riwa ahi'ahina hi rau-guguyei. Bada ana riwapanei hi noya, aubaina da tauhi matakiraha hi ghohahi da rava hi inanai da anina kauwa anona.

Copyright information for `WEDTOPURA