Mark 3

Yesu, Oroto urana kebekebena ivi yawahani

(Mat 12:9-14; Luk 6:6-11)

Mara gheha auSabate, Yesu i naeme pari au numana ma oroto urana kebekebena i inanai; kampa i tughutughura. Ma Pharisee ghehauhi hi ghohei da Yesu hitavi wavui. Yamna aubaina tauhi hi inana taghotaghonaiyei da hita inanai; apo au Sabate orotona itavi yawahani bo e'egha. Ma Yesu, orotona urana kebekebena i riwei, “Ma ne'i au naona ma mahiri.” Ma Yesu, rava i rau-bayadehi ipa, “Sabate au marana, metauna kauwana i ahi: ahi bo apoapoe, tanavi yawahana bo tanavi hiraghena?”

Tauhi anatapuhi hi genuwana.
Yesu ana amoghaighaina i inana viravira. Au baina tauhi, koyahi i bagibagi ma tauna horana i boya kauwei. Yesu, oroto urana kebekebena i riwei ipa, “Uram mavi yoyoi.” Tauna urana ivi yoyoi ma urana i yawahana. Ma Pharisee hi nae Herod ana rava auwarihi,
3:6Herod ana rava anona yamna mai Jew ahi boru, tauhi aiyavo'i Rome gabemanina hevovo hagui. Tauhi ahi bada guyau Herod Antipas. Mai Jew maghamaghauhi ma mai Pharisee maiteni, hi notai da Herod ana rava tauhi tauvi benabenam ahi rava ohohina auwarihi.
ma ahi oga hi tarai da Yesu me hitavi hiraghenanei.

Patara ghaeghaena, Yesu hivo taghotaghoi

Yesu ana tauvotaghotagho maiteni hita vainameyehi ma hi naeGalili topana au gerahana. Ma rava maghamaghauhi, Yesu aiwa'i i kaukauweiya tuyeghana hi nonori aubaina mai:Judiya,Jerusalem, Idumea ma dobu ghehauhi, Jordan wairana au babagehauna, Tyre ma Sidon; anatapuhi, tauna awarina hi ne'i. Yesu, rava maghamaghauhi ivi yawahanihi. Ma yamna aubaina da doridoriahi hivi am-dududu nae; tauna vodadanana aubaina. Tauna egha ita ghohei da hina gariu'umi. Aubaina da ana tauvotaghotagho i riwehi da waga hivo kaukauwei. 11 Maranaina, aruwa-apoapoehi rava au horahi, Yesu hi inainanai. Tauhi, tauna au naona hi pe'upe'u ma hi garagarara, “Tam God Natuna.”

12 Ma Yesu i rau-gamopotahi da havena tauhi hitavi hegha da tauna aiya'i.

Yesu, ana Apostle 12 i vinehi

(Mat 10:1-4; Luk 6:12-16)

13 Yesu ana tauvotaghotagho maitehi au oya hi ghae ma kampa oro'oroto ana ghohanei i ghorehi ma hi nae awarina. 14 Oroto 12 i vinehi ma ivi wavahiApostle.
3.14 Apasolanona Greek ponanei paritawanai.
Ma ipa, “A vinemi da maite'u tana ma'ae ma muriyai ana paritawanemi rauguguya aubaina.”
15 Ma God ana rewapanei aruwa-apoapoehi rava au horahi onavi hopunihi.

16 Tauhi 12 i vinevinehi ahi wava yamna,

17 
  • ma Zebedi natunatuna James ma ana tevera John, ivi wavahi Boanerges, anona waiparara natunatuna,
  • 18 
  • Andrew,
  • Philip,
  • Bartholomew,
  • Matthew,
  • Thomas,
  • James, Alphaeus natuna,
  • Thaddaeus,
  • Simon tauna Zealot,
    3:18Zealot anona yamna mai Jew ma tauhi Roman hevivi am paripariyehi.
  • 19  ma Judas Iscariot tauna, Yesu tau-vibenabename ina.

    Rava hipa, Aruwa-apoapoena, Yesu evivi badei.

    (Mat 12:22-32; Luk 11:14-23; 12.10)

    20 Yesu ana tauvotaghotagho maitehi hi naeme au numa. Ma patara upumahi hi riyehi da tauhi egha tagotagogina da hita am. 21 Ma Yesu ana ghughuni tauna, tuyeghana hi nonori ma hipa, “Tauna i bu'uwa.” Yamna aubaina ana ghughuni hi ne'i da tauna hita taravaini.

    22 Raugagayo Tauviharaharamanahi ghehauhi, Jerusalemei hi nei ma hipa, “Aruwa-apoapoehi ahi bada Be'elzebub, Yesu au horana i rui. Ma yamnei aruwa-apoapoehi evivi hopunihi.”

    23 Yamna aubaina Yesu, Raugagayo tau-viharaharamanahi i ghorehi ma i awana'i, ipa, “Menana'arena maSatan, aineyana inavi hopuna meyei? 24 Mepa da dobu ravahi hinavi kahakaha ma hinavi ghaviya vivira, yamna dobuna ina pe'u. 25 Ma nana'arena ghughuni hinavi kahakaha ma hinavi ghaviya vivira; nai ghughuni ina pe'u. 26 Inapa Satan ana dam hinavi kahakaha ma hinavi ghaviya vivira, apo hina pe'u. 27 Taudanene egha tagotagogina da oroto virewapanana ana au numa ina rui ma ana purapura ina danenei. Au naona orotona ghuravei ina raghiraghihi ma muriyai ina danene. 28 Riwa vaimahiei a ririwemi, God, ami ghoha'apoapoe ma ami terevaidegha anatapuhi ina nota tawane'i. 29 Ma aiya'i ravana,Aruwa Vivivireina e tereterevaideghei; God apo egha na ravana ina rupeni. Tauna, yamna ghoha'apoapoe maemae vavahaghana i ghohai.” 30 Yesu wenana'arena i babani, aubaina tauna, Aruwa Vivivireinei aruwa-apoapoehi ivivi hopunihi ma rava hipa “Tauna, aruwa-apoapoena i ruini.”
    3:30Raugagayo tau viharaharamanihi Yesu hi tereterevaideghehi da *Aruwa Vivivireina ana bagibagi yamna baravu da parauma. God egha ami ghoha'apoapoei ina nota-tawanei ina pa ona terevaidegha hi ghirighiri.


    Yesu ana ghughuni ohohina

    (Mat 12:46-50; Luk 8:19-21)

    31 Yesu ayona ma varevarehina hi nei da au dowa hi mahimahiri ma riwa hi pari-tawane'i da tauna ita nei tauhi auwarihi. 32 Ma patara, tauna hi tughura kwaviviroi ma tauhi, Yesu hi riwei hipa, “U nonori! Ayom ma varevarehim au dowa ma he ghoheghohem.”

    33 Yesu i pari-beyehi ipa, “Aiya'i ayo'u ma varevarehiu?” 34 Anina ma Yesu, tauhi hi tughutughura i inanahi ma ipa, “Ona inana! We tauhi ayo'u ma varevarehiu! 35 Aiya'i God ana ghohana e kaukauweiya tauna, ayo'u, novu'u ma varehiu.”

    Copyright information for `WEDTOPURA