Mark 9

Ma tauna, tauhi i riwehi, “Taumi a ririwana kauwemi, rava ghehaumi weka o mahimahiri apo egha ona hiraghe ma God ana vibadana ona inanai ana rewapanana ina nei.”

Yesu i tupuwa vira

(Mat 17:1-13; Luk 9:28-36)

Maratom 6 au murina Yesu Peter, James ma John tauhi ava i taravainihi ma hi ghae au oya damo. Ma kampa tauhi au matahi Yesu i tupuwa vira. Ana gara i arapoira ma ivi mata'am, egha me aiwa'i ghehauna au dobu nana'arena. Ma kampa au matahi Elijah ma Moses hi hegha ma tauhi Yesu maiteni hi dedede. Peter Yesu i riwei, “Tauviharaharamana, i ahi da tauta weka mavi anine'ai da gho'ugho'u tonugha ana vowai, tagogi tam aubaim, gehauna Moses ma ghehauna Elijah.” Tauhi hi rovo kauwa aubaina da Peter i dede yabayababa.

Anina ma hapau i hura ma tauhi i puruhi ma pona hapauwei i hopui ma i riwa ipa, “We'i Ta'u Natu'u, a'u nuwavainana ona rau-tanighanei!” Maratagogi tauhi hi inana viravira ma egha aiya'i ghehauna hita inanai, maitehi, e'egha da Yesu tau avana.

Ma tauhi maranai oya damonei hi gha'igha'irai ma Yesu tauhi ivi ghaehi da aiwa'i hi inainanaiya egha hinavi heghai da au naona Rava natuna hiragheyei inavo mahirime

10 Ma tauhi, tauna riwana hivo te'ete'ei ma hivi tarapiri vivira hipa, “hiragheyei vomahirime,” anona aiwa'i. 11 Ma tauhi tauna hi rau-bayadei ipa, “Aiwa'i aubaina raugagayo tauvi haraharamanahi he ririwa da Elijah au naona ina ne'i?”
9:11Mai Jew hivi tumaghana da Elijah au naona ina nememei ma Keriso murina ina ne'i. (Mal 3:1, 4:5-6). Ma tauhi egha hita notai da Elijah rauivi'apoapoyei inavi aroni ana aunememei.


12 Yesu i pari-beyei, “Anina Elijah, ina ai nememei da aiwa'i anatapuna inavo kaukauwehi. Aiwa'i aubaina warihagha i girumi da Rava Natuna inavi nuwa'apoapoei kauwa ma hina hini dodorei.
9:12Isa 52:13-53:12; Ps 22
13 Ma a ririwemi da Elijah anina i ne'i, rava ahi ghohana tauna awarina hi kauwana pahiyei me i girugirumia nana'arena.”
9:13Yesu yamna John Taubabataito i dedede da tauna me Elijah. (Mat 11:13-14, 17:10-13)


Yesu aruwa-apoapoena tevera orotona awarina ivi hopunihi

(Mat 17:14-21; Luk 9:37-43a)

14 Yesu ana tauvotaghotagho tonugha maiteni oyei hi gha'igha'iramemei ahi rava auwarihi, hi inanai da patara ghaeghaena tauhi hi mae kwavivirohi ma mai Jew ahi raugagayo tauvi haraharamanahi maitehi hivivi pariparighahi. 15 Maranai, tauhi Yesu hi inanai hi ghohorihi ma hi veraubeyebeyei. 16 Yesu tauhi i rau-bayadehi, “Aiwa'i ovivi pariparighahiyei?”

17 Oroto tagogi patara au horahi i pari-beyana, “Tauviharaharamana aruwa-apoapoena natu'u orotona au horana e ma'ama'ae ma i kauwei da egha ita dedede, Yamna aubaina a neiyai awarim. 18 Maranai ana doria e huruhuru meyei, Yamna aruwa-apoapoena tauna au dowa e tawatawanei, gamona evivi puropuro, ivo na e uta'uta didini ma e hirahiraghe madigha. Am Tauvotaghotagho avi baghahi da aruwa-apoapoena hitavi hopuni, wate egha tagotagogina da hita kauwei.”

19 Ma Yesu i pari-beyehi, “O ma meyanai onavi tumaghana! Ta maeghagha ma aubaimi yohora da ami vita ana ava'avarai? Tevera ona neiyai awari'u!”

20 Ma tauhi tevera hi neiya'i Yesu awarina. Ma maranai aruwa-apoapoena Yesu i inanai, tevera i ghohai da i rau-moyaghahu, i tawanei au dowa ma ivo vai tatatavi ma gamona ivi puropuro. 21 Yesu tevera amana i rau-bayadei, “Ana doria mara aiwa'i ivi kareni?”

I paribeyei ma i riwa, “Au meyameyanei ivi kareni.
22 Aruwa-apoapoena mara maghamaghauna tauna au eyagi ara'aratana ma au waira e tawatawanei ma i ghohei da itavi hiragheni. Mepa da tam tagotagogina yamna ma raunuwa'apoapoeyeai ma mavo hagui.”

23 Yesu tauna i riwei, “Menana'arena ma u riwa, ‘Mepa da tam anina?’ Aiya'i ravana evivi tumaghana, God aiwa'i anataputapuna ina kauwanapahiyei tauna aubaina!”

24 Maratagogi teverana amana i garara, “A vitumaghana. Wate a'u tumaghana i tapia aubaina ma mavohagui da ma vovai ra'atai!”

25 Yesu i inana da patara yohora da i riyeriyehi auwarihi, aubaina aruwa-apoapoena i hegari ipa, “Tam aruwa tanighapota ma dede egha, Ta'u a hegahegarim da tevera ma hopu tawanei ma egha meyanai ma ruina meyei.”

26 Ma aruwa-apoapoena i garara ma teverana ivo vaitatatavi ma i hopu tawanei. Ma tevera inanana me taubeu ma rava kampa hi ririwa, “Tauna i hiraghe!” 27 Ma Yesu au urana ivo wa ma i sinahepai da i mahiri.

28 Muriyai Yesu ana Tauvotaghotagho maiteni hi rui au numa ma maranaina tauhi ava ma hi pari-dadanei hipa, “Aiwa'i aubaina tau'ai egha tagotagogina da aruwa-apoapoena atavi hopuni?”

29 Tauna tauhi i riwehi, “Aruwa apo'apoeihi me we nana'arehi yamna pariyei ava inavi hopuni”

Yesu ana hiraghe i dede meyei

(Mat 17:22-23; Luk 9:43b 45)

30 Yesu ana Tauvotaghotagho maitehi dobuna hi netawanei ma Galiliyei hi nae. Yesu egha ita ghohei da rava hita haramanei da tauhi kampa, 31 aubaina tauna ana Tauvotaghotagho ivivi haraharamanihi ipa, “Tauhi Rava Natuna hina amverenei rava ghehauhi au urahi ma tauhi hinavi hiragheni, wate maratom tonugha au murina inavo mahirime.”

32 Ma tauhi egha hita haramanei tauna aiwa'i i dededei ma tauhi raubayadana hi rovowei.

Tauvotaghotagho hi awahe gahigahiyana da aya'i i gheteyara

(Mat 18:1-5; Luk 9:46-48)

33 Yesu ma ana Tauvotaghotagho au Capernaum i ghe'eta ma au numa hi rui ma tauna tauhi i rau-bayadehi, “Au etana'i aiwa'i ovi awahe gahigahiyanei?”

34 Wate tauhi hi genuwana, aubaina au etana'i, tauhi hivi awahe gahigahiyana da aiya'i itavi bada. 35 Tauna i tughura ma Apostle 12 i ghorehi awarina ma i riwehi ipa, “Aiya'i e ghoheghohei da inavi bada tauna ina teregha'irana meyei ma anatapuna inavi taunoyei.”

36 Tauna tevera i vaini ma au pouhi ivi mahirini ma i tarahaghavui. Ma tauhi i riwehi ipa, 37 “Ma aiya'i ravana ta'u wava'uwei teverana e rau-warowarorowei yamna ta'u maiteu evivi anineu ma tauparitawaneu maiteni evivi aninei.”

Aiya'i egha ata ghavia Yamna turata

(Luk 9:49-50)

38 John Yesu i riwei, “Tauviharaharamana, tau'ai oroto tagogi a inanai tam wavamei aruwa-apoapoehi ivi hopunihi ma tauna egha turata yamna aubaina avi ghaei da egha ina kauwana meyei.”

39 Yesu i riwa, “Egha onavi ghaei, egha tagotagogina da matakiraha ina kauwei au wava'u ma na'i au marana inaparivai apo'apoeniu 40 Aiya'i ravana egha ata ghavia yamna tauna turata. 41 Ta'u a ririwana kauwemi mepa da aiya'i ravana waira i veremi aubaina tam a'u tauvotaghotagho, tauna ana maiha apo egha ina vineboai ma apo ina tuhaghai.”

Raudadana i dedei

(Mat 18:6-9; Luk 17:1-2)

42 Mepa da aya'i ravana, we rowarowahi ina kauwei da ahi tumaghana awari'u ina pe'u ma ghoha apoapoe i kauwei, God tauna ina kovogha guratei. Egha me gha'ima ghaeghaena rava au uwana e raghiraghihi ma au boga e tawatawanei. 43 Mepa da u'ram i kauwem da ghoha apoapoe u ghohai, ma bori da ma tawanei. I ahi da u'ram tagogiava ma yawahana ahi'ahina ma tuhaghai ma egha ita ahi da u'ram ruwagha ahi ahihi ma manae au Gehena*, mepa eyagi ara'aratana egha meyanai ita bohobohoyana.
9:43-44Buka warihagha urahiyei hi girugiruma damaneiya yamna riwana tagogina me v 48
45 Mepa da aem i kauwem da ghoha apoapoena u ghohai, ma bori da ma tawanei. I ahi da ana ae kukukum ma yawahana ahi'ahina ma tuhaghai, egha me aem ruwagha ahi ahihi ma ma nae au Gehena*.
9:45-46Buka warihagha urahiyei hi girugiruma damaneiya yamna riwana tagogina me v 48.
47 Ma mepa da matam ina kauwem da ghoha apoapoena u kauwei ma vaina tawanei, i ahi da matam tagogiava ma God ana au vibadana ma rui, egha me matam ruwagha ma ma nae au Gehena*. 48 Na'i dobuna kwairoro ma'ema'e nonowahi rava e anianihi ma egha hita hirahiraghe ma eyagi ara'arata nonowana e ara'arata.
9:48Isa 66.24


49 Ma'e bo'abo'a au horana ona rau-hiraghe da God inavi aninemi, me purapura e ara'ara ghadari. Ma nana'arena niha au puyo tereterenana God evivi aninei.

50 “Niha yamna purapura ahi'ahina. Mepa da anavi nihaniha ina kwaha, apo me ma kauwananei da ina dagihame. Mepa da vibadana onavi ghaighaiyanei, yamna taumi me niha vivimayavaina eghana. Anatapumi ona viniha ma ona ma'ae.”

Copyright information for `WEDTOPURA