Job 12

וַיַּעַן אִיֹּוב וַיֹּאמַֽר׃
אָמְנָם כִּי אַתֶּם־עָם וְעִמָּכֶם תָּמוּת חָכְמָֽה׃
גַּם־לִי לֵבָב ׀ כְּֽמֹוכֶם
We read or understand L differently than BHS (1983 Edition). Often this notation indicates a typographical error in BHS.
לֹא־נֹפֵל אָנֹכִי מִכֶּם וְאֶת־מִי־אֵין כְּמֹו־אֵֽלֶּה׃
שְׂחֹק לְרֵעֵהוּ ׀ אֶֽהְיֶה קֹרֵא לֶאֱלֹוהַּ וַֽיַּעֲנֵהוּ שְׂחֹוק צַדִּיק תָּמִֽים׃
לַפִּיד בּוּז לְעַשְׁתּוּת שַׁאֲנָן נָכֹון לְמֹועֲדֵי רָֽגֶל׃
יִשְׁלָיוּ אֹֽהָלִים ׀ לְשֹׁדְדִים
We read or understand L differently than BHS (1983 Edition). Often this notation indicates a typographical error in BHS.
וּֽבַטֻּחֹות לְמַרְגִּיזֵי אֵל לַאֲשֶׁר הֵבִיא אֱלֹוהַּ בְּיָדֹֽו׃
וְֽאוּלָם שְׁאַל־נָא בְהֵמֹות וְתֹרֶךָּ וְעֹוף הַשָּׁמַיִם וְיַגֶּד־לָֽךְ׃
אֹו שִׂיחַ לָאָרֶץ וְתֹרֶךָּ וִֽיסַפְּרוּ לְךָ דְּגֵי הַיָּֽם׃
מִי לֹא־יָדַע בְּכָל־אֵלֶּה כִּי יַד־יְהוָה עָשְׂתָה זֹּֽאת׃
10 אֲשֶׁר בְּיָדֹו נֶפֶשׁ כָּל־חָי וְרוּחַ כָּל־בְּשַׂר־אִֽישׁ׃
11 הֲלֹא־אֹזֶן מִלִּין תִּבְחָן וְחֵךְ אֹכֶל יִטְעַם־לֹֽו׃
12 בִּֽישִׁישִׁים חָכְמָה וְאֹרֶךְ יָמִים תְּבוּנָֽה׃
13 עִמֹּו חָכְמָה וּגְבוּרָה לֹו עֵצָה וּתְבוּנָֽה׃
14 הֵן יַהֲרֹוס וְלֹא יִבָּנֶה יִסְגֹּר עַל־אִישׁ וְלֹא יִפָּתֵֽחַ׃
15 הֵן יַעְצֹר בַּמַּיִם וְיִבָשׁוּ וִֽישַׁלְּחֵם וְיַהַפְכוּ אָֽרֶץ׃
16 עִמֹּו עֹז וְתֽוּשִׁיָּה
BHS has been faithful to the Leningrad Codex where there might be a question of the validity of the form and we keep the same form as BHS.
לֹו שֹׁגֵג וּמַשְׁגֶּֽה׃
17 מֹולִיךְ יֹועֲצִים שֹׁולָל וְֽשֹׁפְטִים יְהֹולֵֽל׃
18 מוּסַר מְלָכִים פִּתֵּחַ וַיֶּאְסֹר אֵזֹור בְּמָתְנֵיהֶֽם׃
19 מֹולִיךְ כֹּהֲנִים שֹׁולָל וְאֵֽתָנִים יְסַלֵּֽף׃
20 מֵסִיר שָׂפָה לְנֶאֱמָנִים וְטַעַם זְקֵנִים יִקָּֽח׃
21 שֹׁופֵךְ בּוּז עַל־נְדִיבִים וּמְזִיחַ אֲפִיקִים רִפָּֽה׃
22 מְגַלֶּה עֲמֻקֹות מִנִּי־חֹשֶׁךְ וַיֹּצֵא לָאֹור צַלְמָֽוֶת׃
23 מַשְׂגִּיא לַגֹּויִם וַֽיְאַבְּדֵם שֹׁטֵחַ לַגֹּויִם וַיַּנְחֵֽם׃
24 מֵסִיר לֵב רָאשֵׁי עַם־הָאָרֶץ וַיַּתְעֵם בְּתֹהוּ לֹא־דָֽרֶךְ׃
25 יְמַֽשְׁשׁוּ־חֹשֶׁךְ וְלֹא־אֹור וַיַּתְעֵם כַּשִּׁכֹּֽור׃
Copyright information for WLC