Job 25

וַיַּעַן בִּלְדַּד הַשֻּׁחִי וַיֹּאמַֽר׃
הַמְשֵׁל וָפַחַד עִמֹּו עֹשֶׂה שָׁלֹום בִּמְרֹומָֽיו׃
הֲיֵשׁ מִסְפָּר לִגְדוּדָיו וְעַל־מִי לֹא־יָקוּם אֹורֵֽהוּ׃
וּמַה־יִּצְדַּק אֱנֹושׁ עִם־אֵל וּמַה־יִּזְכֶּה יְלוּד אִשָּֽׁה׃
הֵן עַד־יָרֵחַ וְלֹא יַאֲהִיל וְכֹוכָבִים לֹא־זַכּוּ בְעֵינָֽיו׃
אַף כִּֽי־אֱנֹושׁ רִמָּה וּבֶן־אָדָם תֹּולֵעָֽה׃ פ

Copyright information for WLC