Job 35

וַיַּעַן אֱלִיהוּ וַיֹּאמַֽר׃
הֲזֹאת חָשַׁבְתָּ לְמִשְׁפָּט אָמַרְתָּ צִדְקִי מֵאֵֽל׃
כִּֽי־תֹאמַר
We read or understand L differently than BHS (1983 Edition). Often this notation indicates a typographical error in BHS.
מַה־יִּסְכָּן־לָךְ מָֽה־אֹעִיל מֵֽחַטָּאתִֽי׃
אֲנִי אֲשִֽׁיבְךָ מִלִּין וְֽאֶת־רֵעֶיךָ עִמָּֽךְ׃
הַבֵּט שָׁמַיִם וּרְאֵה וְשׁוּר שְׁחָקִים גָּבְהוּ מִמֶּֽךָּ׃
אִם־חָטָאתָ מַה־תִּפְעָל־בֹּו וְרַבּוּ פְשָׁעֶיךָ מַה־תַּעֲשֶׂה־לֹּֽו׃
אִם־צָדַקְתָּ מַה־תִּתֶּן־לֹו אֹו
We read or understand L differently than BHS (1983 Edition). Often this notation indicates a typographical error in BHS.
מַה־מִיָּדְךָ יִקָּֽח׃
לְאִישׁ־כָּמֹוךָ רִשְׁעֶךָ וּלְבֶן־אָדָם צִדְקָתֶֽךָ׃
מֵרֹב עֲשׁוּקִים יַזְעִיקוּ יְשַׁוְּעוּ מִזְּרֹועַ רַבִּֽים׃
10 וְֽלֹא־אָמַר אַיֵּה אֱלֹוהַּ עֹשָׂי נֹתֵן זְמִרֹות בַּלָּֽיְלָה׃
11 מַלְּפֵנוּ מִבַּהֲמֹות אָרֶץ וּמֵעֹוף הַשָּׁמַיִם יְחַכְּמֵֽנוּ׃
12 שָׁם יִצְעֲקוּ וְלֹא יַעֲנֶה מִפְּנֵי גְּאֹון רָעִֽים׃
13 אַךְ־שָׁוְא לֹא־יִשְׁמַע ׀ אֵל וְשַׁדַּי לֹא יְשׁוּרֶֽנָּה׃
14 אַף כִּֽי־תֹאמַר לֹא תְשׁוּרֶנּוּ דִּין לְפָנָיו וּתְחֹולֵֽל
We read or understand L differently than BHS (1983 Edition). Often this notation indicates a typographical error in BHS.
לֹֽו׃
15 וְעַתָּה כִּי־אַיִן פָּקַד אַפֹּו וְלֹֽא־יָדַע בַּפַּשׁ מְאֹֽד׃
16 וְאִיֹּוב הֶבֶל יִפְצֶה־פִּיהוּ בִּבְלִי־דַעַת מִלִּין יַכְבִּֽר׃ פ

Copyright information for WLC