Job 38

וַיַּֽעַן־יְהוָה אֶת־אִיֹּוב [מִן
Miscellaneous notes to the text and occasions where more than one bracket category applies.
כ] [הַסְּעָרָה כ] (מִן ׀ ק) (הַסְּעָרָה ק) וַיֹּאמַֽר׃
מִי זֶה ׀ מַחְשִׁיךְ עֵצָה בְמִלִּין
We read or understand L differently than BHS (1983 Edition). Often this notation indicates a typographical error in BHS.
בְּֽלִי־דָֽעַת׃
אֱזָר־נָא כְגֶבֶר חֲלָצֶיךָ וְאֶשְׁאָלְךָ וְהֹודִיעֵֽנִי׃
אֵיפֹה הָיִיתָ בְּיָסְדִי־אָרֶץ הַגֵּד אִם־יָדַעְתָּ בִינָֽה׃
מִי־שָׂם מְמַדֶּיהָ כִּי תֵדָע אֹו מִֽי־נָטָה עָלֶיהָ קָּֽו׃
עַל־מָה אֲדָנֶיהָ הָטְבָּעוּ אֹו מִֽי־יָרָה אֶבֶן פִּנָּתָֽהּ׃
בְּרָן־יַחַד כֹּוכְבֵי בֹקֶר וַיָּרִיעוּ כָּל־בְּנֵי אֱלֹהִֽים׃
וַיָּסֶךְ בִּדְלָתַיִם יָם בְּגִיחֹו מֵרֶחֶם יֵצֵֽא׃
בְּשׂוּמִי עָנָן לְבֻשֹׁו וַעֲרָפֶל חֲתֻלָּתֹֽו׃
10 וָאֶשְׁבֹּר עָלָיו חֻקִּי וָֽאָשִׂים בְּרִיחַ וּדְלָתָֽיִם׃
11 וָאֹמַר עַד־פֹּה תָבֹוא וְלֹא תֹסִיף וּפֹא־יָשִׁית בִּגְאֹון גַּלֶּֽיךָ׃
12 הְֽמִיָּמֶיךָ
BHS has been faithful to the Leningrad Codex where there might be a question of the validity of the form and we keep the same form as BHS.
צִוִּיתָ בֹּקֶר [יִדַּעְתָּה כ] [שַׁחַר כ] (יִדַּעְתָּ
We read or understand L differently than BHS (1983 Edition). Often this notation indicates a typographical error in BHS.
ק) (הַשַּׁחַר ק) מְקֹמֹֽו׃
13 לֶאֱחֹז בְּכַנְפֹות הָאָרֶץ וְיִנָּעֲרוּ רְשָׁעִים
Suspended letter(s).
מִמֶּֽנָּה׃
14 תִּתְהַפֵּךְ כְּחֹמֶר חֹותָם וְיִֽתְיַצְּבוּ כְּמֹו לְבֽוּשׁ׃
15 וְיִמָּנַע מֵרְשָׁעִים
Suspended letter(s).
אֹורָם וּזְרֹועַ רָמָה תִּשָּׁבֵֽר׃
16 הֲבָאתָ עַד־נִבְכֵי־יָם וּבְחֵקֶר תְּהֹום הִתְהַלָּֽכְתָּ׃
17 הֲנִגְלוּ לְךָ שַׁעֲרֵי־מָוֶת וְשַׁעֲרֵי צַלְמָוֶת תִּרְאֶֽה׃
18 הִתְבֹּנַנְתָּ עַד־רַחֲבֵי־אָרֶץ הַגֵּד אִם־יָדַעְתָּ כֻלָּֽהּ׃
19 אֵי־זֶה הַדֶּרֶךְ יִשְׁכָּן־אֹור וְחֹשֶׁךְ אֵי־זֶה מְקֹמֹֽו׃
20 כִּי תִקָּחֶנּוּ אֶל־גְּבוּלֹו וְכִֽי־תָבִין
We read or understand L differently than BHS (1983 Edition). Often this notation indicates a typographical error in BHS.
נְתִיבֹות בֵּיתֹֽו׃
21 יָדַעְתָּ כִּי־אָז תִּוָּלֵד וּמִסְפַּר יָמֶיךָ רַבִּֽים׃
22 הֲבָאתָ אֶל־אֹצְרֹות שָׁלֶג וְאֹצְרֹות בָּרָד תִּרְאֶֽה׃
23 אֲשֶׁר־חָשַׂכְתִּי לְעֶת־צָר לְיֹום קְרָב וּמִלְחָמָֽה׃
24 אֵי־זֶה הַדֶּרֶךְ יֵחָלֶק אֹור יָפֵץ קָדִים עֲלֵי־אָֽרֶץ׃
25 מִֽי־פִלַּג לַשֶּׁטֶף תְּעָלָה וְדֶרֶךְ לַחֲזִיז קֹלֹֽות׃
26 לְהַמְטִיר עַל־אֶרֶץ לֹא־אִישׁ מִדְבָּר לֹא־אָדָם בֹּֽו׃
27 לְהַשְׂבִּיעַ שֹׁאָה וּמְשֹׁאָה וּלְהַצְמִיחַ מֹצָא דֶֽשֶׁא׃
28 הֲיֵשׁ־לַמָּטָר אָב אֹו מִי־הֹולִיד אֶגְלֵי־טָֽל׃
29 מִבֶּטֶן מִי יָצָא הַקָּרַח וּכְפֹר שָׁמַיִם
We read or understand L differently than BHS (1983 Edition). Often this notation indicates a typographical error in BHS.
מִי יְלָדֹֽו׃
30 כָּאֶבֶן מַיִם יִתְחַבָּאוּ וּפְנֵי תְהֹום יִתְלַכָּֽדוּ׃
31 הַֽתְקַשֵּׁר מַעֲדַנֹּות כִּימָה אֹֽו־מֹשְׁכֹות כְּסִיל תְּפַתֵּֽחַ׃
32 הֲתֹצִיא מַזָּרֹות בְּעִתֹּו וְעַיִשׁ עַל־בָּנֶיהָ תַנְחֵֽם׃
33 הֲיָדַעְתָּ חֻקֹּות שָׁמָיִם אִם־תָּשִׂים מִשְׁטָרֹו בָאָֽרֶץ׃
34 הֲתָרִים לָעָב קֹולֶךָ וְֽשִׁפְעַת־מַיִם תְּכַסֶּֽךָּ׃
35 הַֽתְשַׁלַּח בְּרָקִים וְיֵלֵכוּ וְיֹאמְרוּ לְךָ הִנֵּֽנוּ׃
36 מִי־שָׁת בַּטֻּחֹות חָכְמָה אֹו מִֽי־נָתַן לַשֶּׂכְוִי בִינָֽה׃
37 מִֽי־יְסַפֵּר שְׁחָקִים בְּחָכְמָה וְנִבְלֵי שָׁמַיִם מִי יַשְׁכִּֽיב׃
38 בְּצֶקֶת עָפָר לַמּוּצָק וּרְגָבִים יְדֻבָּֽקוּ׃
39 הֲתָצוּד לְלָבִיא טָרֶף וְחַיַּת כְּפִירִים תְּמַלֵּֽא׃
40 כִּי־יָשֹׁחוּ בַמְּעֹונֹות יֵשְׁבוּ בַסֻּכָּה לְמֹו־אָֽרֶב׃
41 מִי יָכִין לָעֹרֵב צֵידֹו כִּֽי־ [יְלָדֹו כ] (יְלָדָיו ק) אֶל־אֵל יְשַׁוֵּעוּ יִתְעוּ לִבְלִי־אֹֽכֶל׃
Copyright information for WLC