Job 40

וַיַּעַן יְהוָה אֶת־אִיֹּוב וַיֹּאמַֽר׃
הֲרֹב עִם־שַׁדַּי יִסֹּור מֹוכִיחַ אֱלֹוהַּ יַעֲנֶֽנָּה׃ פ

וַיַּעַן אִיֹּוב אֶת־יְהוָה וַיֹּאמַֽר׃
הֵן קַלֹּתִי מָה אֲשִׁיבֶךָּ יָדִי שַׂמְתִּי לְמֹו־פִֽי׃
אַחַת דִּבַּרְתִּי וְלֹא אֶֽעֱנֶה וּשְׁתַּיִם וְלֹא אֹוסִֽיף׃ פ

וַיַּֽעַן־יְהוָה אֶת־אִיֹּוב [מִן
Miscellaneous notes to the text and occasions where more than one bracket category applies.
כ] [סְעָרָה כ] (מִן ׀ ק) (סְעָרָה ק) וַיֹּאמַֽר׃
אֱזָר־נָא כְגֶבֶר חֲלָצֶיךָ אֶשְׁאָלְךָ וְהֹודִיעֵֽנִי׃
הַאַף תָּפֵר מִשְׁפָּטִי תַּרְשִׁיעֵנִי לְמַעַן תִּצְדָּֽק׃
וְאִם־זְרֹועַ כָּאֵל ׀ לָךְ וּבְקֹול כָּמֹהוּ תַרְעֵֽם׃
10 עֲדֵה נָא גָֽאֹון
BHS has been faithful to the Leningrad Codex where there might be a question of the validity of the form and we keep the same form as BHS.
וָגֹבַהּ וְהֹוד וְהָדָר תִּלְבָּֽשׁ׃
11 הָפֵץ עֶבְרֹות אַפֶּךָ וּרְאֵה כָל־גֵּאֶה וְהַשְׁפִּילֵֽהוּ׃
12 רְאֵה כָל־גֵּאֶה הַכְנִיעֵהוּ וַהֲדֹךְ רְשָׁעִים תַּחְתָּֽם׃
13 טָמְנֵם בֶּעָפָר יָחַד פְּנֵיהֶם חֲבֹשׁ בַּטָּמֽוּן׃
14 וְגַם־אֲנִי אֹודֶךָּ כִּֽי־תֹושִׁעַ לְךָ יְמִינֶֽךָ׃
15 הִנֵּה־נָא בְהֵמֹות אֲשֶׁר־עָשִׂיתִי עִמָּךְ חָצִיר כַּבָּקָר יֹאכֵֽל׃
16 הִנֵּה־נָא כֹחֹו בְמָתְנָיו וְאֹנֹו בִּשְׁרִירֵי בִטְנֹֽו׃
17 יַחְפֹּץ זְנָבֹו כְמֹו־אָרֶז גִּידֵי [פַחֲדֹו כ] (פַחֲדָיו ק) יְשֹׂרָֽגוּ׃
18 עֲצָמָיו אֲפִיקֵי נְחוּשָׁה גְּרָמָיו כִּמְטִיל בַּרְזֶֽל׃
19 הוּא רֵאשִׁית דַּרְכֵי־אֵל הָעֹשֹׂו
We read or understand L differently than BHS (1983 Edition). Often this notation indicates a typographical error in BHS.
יַגֵּשׁ חַרְבֹּֽו׃
20 כִּֽי־בוּל
We read or understand L differently than BHS (1983 Edition). Often this notation indicates a typographical error in BHS.
הָרִים יִשְׂאוּ־לֹו וְֽכָל־חַיַּת הַשָּׂדֶה יְשַֽׂחֲקוּ־שָֽׁם׃
21 תַּֽחַת־צֶאֱלִים
We read or understand L differently than BHS (1983 Edition). Often this notation indicates a typographical error in BHS.
יִשְׁכָּב בְּסֵתֶר קָנֶה וּבִצָּֽה׃
22 יְסֻכֻּהוּ צֶאֱלִים צִֽלֲלֹו יְסֻבּוּהוּ עַרְבֵי־נָֽחַל׃
23 הֵן יַעֲשֹׁק נָהָר לֹא יַחְפֹּוז יִבְטַח ׀ כִּֽי־יָגִיחַ יַרְדֵּן אֶל־פִּֽיהוּ׃
24 בְּעֵינָיו יִקָּחֶנּוּ בְּמֹֽוקְשִׁים יִנְקָב־אָֽף׃ תִּמְשֹׁךְ לִוְיָתָן בְּחַכָּה וּבְחֶבֶל תַּשְׁקִיעַ לְשֹׁנֹֽו׃ הֲתָשִׂים אַגְמֹון בְּאַפֹּו וּבְחֹוחַ תִּקֹּוב לֶֽחֱיֹו׃ הֲיַרְבֶּה אֵלֶיךָ תַּחֲנוּנִים אִם־יְדַבֵּר אֵלֶיךָ רַכֹּֽות׃ הֲיִכְרֹת בְּרִית עִמָּךְ תִּקָּחֶנּוּ לְעֶבֶד עֹולָֽם׃ הַֽתְשַׂחֶק־בֹּו כַּצִּפֹּור וְתִקְשְׁרֶנּוּ לְנַעֲרֹותֶֽיךָ׃ יִכְרוּ עָלָיו חַבָּרִים יֶחֱצוּהוּ בֵּין כְּֽנַעֲנִֽים׃ הַֽתְמַלֵּא בְשֻׂכֹּות עֹורֹו וּבְצִלְצַל דָּגִים רֹאשֹֽׁו׃ שִׂים־עָלָיו כַּפֶּךָ זְכֹר מִלְחָמָה אַל־תֹּוסַֽף׃
Copyright information for WLC