Psalms 121

שִׁיר לַֽמַּעֲלֹות אֶשָּׂא עֵינַי אֶל־הֶהָרִים מֵאַיִן יָבֹא עֶזְרִֽי׃
עֶזְרִי מֵעִם יְהוָה עֹשֵׂה שָׁמַיִם וָאָֽרֶץ׃
אַל־יִתֵּן לַמֹּוט רַגְלֶךָ אַל־יָנוּם שֹֽׁמְרֶֽךָ׃
הִנֵּה לֹֽא־יָנוּם וְלֹא יִישָׁן שֹׁומֵר יִשְׂרָאֵֽל׃
יְהוָה שֹׁמְרֶךָ יְהוָה צִלְּךָ עַל־יַד יְמִינֶֽךָ׃
יֹומָם הַשֶּׁמֶשׁ לֹֽא־יַכֶּכָּה וְיָרֵחַ בַּלָּֽיְלָה׃
יְֽהוָה יִשְׁמָרְךָ מִכָּל־רָע יִשְׁמֹר אֶת־נַפְשֶֽׁךָ׃
יְֽהוָה יִשְׁמָר־צֵאתְךָ וּבֹואֶךָ מֵֽעַתָּה וְעַד־עֹולָֽם׃
Copyright information for WLC