Psalms 130

שִׁיר הַֽמַּעֲלֹות מִמַּעֲמַקִּים קְרָאתִיךָ יְהוָֽה׃
אֲדֹנָי שִׁמְעָה בְקֹולִי תִּהְיֶינָה אָזְנֶיךָ קַשֻּׁבֹות לְקֹול תַּחֲנוּנָֽי׃
אִם־עֲוֹנֹות תִּשְׁמָר־יָהּ אֲדֹנָי מִי יַעֲמֹֽד׃
כִּֽי־עִמְּךָ הַסְּלִיחָה לְמַעַן תִּוָּרֵֽא׃
קִוִּיתִי יְהוָה קִוְּתָה נַפְשִׁי וְֽלִדְבָרֹו הֹוחָֽלְתִּי׃
נַפְשִׁי לַֽאדֹנָי מִשֹּׁמְרִים לַבֹּקֶר שֹׁמְרִים לַבֹּֽקֶר׃
יַחֵל יִשְׂרָאֵל אֶל־יְהוָה כִּֽי־עִם־יְהוָה הַחֶסֶד וְהַרְבֵּה עִמֹּו פְדֽוּת׃
וְהוּא יִפְדֶּה אֶת־יִשְׂרָאֵל מִכֹּל עֲוֹנֹתָֽיו׃
Copyright information for WLC