Psalms 150

הַלְלוּ יָהּ ׀ הַֽלְלוּ־אֵל בְּקָדְשֹׁו הַֽלְלוּהוּ בִּרְקִיעַ עֻזֹּֽו׃
הַֽלְלוּהוּ בִגְבוּרֹתָיו הַֽלְלוּהוּ כְּרֹב גֻּדְלֹֽו׃
הַֽלְלוּהוּ בְּתֵקַע שֹׁופָר הַֽלְלוּהוּ בְּנֵבֶל וְכִנֹּֽור׃
הַֽלְלוּהוּ בְתֹף וּמָחֹול הַֽלְלוּהוּ בְּמִנִּים וְעוּגָֽב׃
הַֽלְלוּהוּ בְצִלְצְלֵי־שָׁמַע הַֽלְלוּהוּ בְּֽצִלְצְלֵי תְרוּעָֽה׃
כֹּל הַנְּשָׁמָה תְּהַלֵּל יָהּ הַֽלְלוּ־יָֽהּ׃
Copyright information for WLC