Psalms 3

מִזְמֹור לְדָוִד בְּבָרְחֹו מִפְּנֵי ׀ אַבְשָׁלֹום בְּנֹֽו׃
יְהוָה מָֽה־רַבּוּ צָרָי רַבִּים קָמִים עָלָֽי׃
רַבִּים אֹמְרִים לְנַפְשִׁי אֵין יְֽשׁוּעָתָה לֹּו בֵֽאלֹהִים סֶֽלָה׃
וְאַתָּה יְהוָה מָגֵן בַּעֲדִי כְּבֹודִי וּמֵרִים רֹאשִֽׁי׃
קֹולִי אֶל־יְהוָה אֶקְרָא וַיַּֽעֲנֵנִי מֵהַר קָדְשֹׁו סֶֽלָה׃
אֲנִי שָׁכַבְתִּי וָֽאִישָׁנָה הֱקִיצֹותִי כִּי יְהוָה יִסְמְכֵֽנִי׃
לֹֽא־אִירָא מֵרִבְבֹות עָם אֲשֶׁר סָבִיב שָׁתוּ עָלָֽי׃
קוּמָה יְהוָה ׀ הֹושִׁיעֵנִי אֱלֹהַי כִּֽי־הִכִּיתָ אֶת־כָּל־אֹיְבַי לֶחִי שִׁנֵּי רְשָׁעִים שִׁבַּֽרְתָּ׃ לַיהוָה הַיְשׁוּעָה עַֽל־עַמְּךָ בִרְכָתֶךָ סֶּֽלָה׃
Copyright information for WLC