Psalms 42

לַמְנַצֵּחַ מַשְׂכִּיל לִבְנֵי־קֹֽרַח׃
כְּאַיָּל תַּעֲרֹג עַל־אֲפִֽיקֵי־מָיִם כֵּן נַפְשִׁי תַעֲרֹג אֵלֶיךָ אֱלֹהִֽים׃
צָמְאָה נַפְשִׁי ׀ לֵאלֹהִים לְאֵל חָי מָתַי אָבֹוא וְאֵרָאֶה פְּנֵי אֱלֹהִֽים׃
הָֽיְתָה־לִּי דִמְעָתִי לֶחֶם יֹומָם וָלָיְלָה בֶּאֱמֹר אֵלַי כָּל־הַיֹּום אַיֵּה אֱלֹהֶֽיךָ׃
אֵלֶּה אֶזְכְּרָה ׀ וְאֶשְׁפְּכָה עָלַי ׀ נַפְשִׁי כִּי אֶֽעֱבֹר ׀ בַּסָּךְ אֶדַּדֵּם עַד־בֵּית אֱלֹהִים בְּקֹול־רִנָּה וְתֹודָה הָמֹון חֹוגֵֽג׃
מַה־תִּשְׁתֹּוחֲחִי ׀ נַפְשִׁי וַתֶּהֱמִי עָלָי הֹוחִילִי לֵֽאלֹהִים כִּי־עֹוד אֹודֶנּוּ יְשׁוּעֹות פָּנָֽיו׃
אֱ‍ֽלֹהַי עָלַי נַפְשִׁי תִשְׁתֹּוחָח עַל־כֵּן אֶזְכָּרְךָ מֵאֶרֶץ יַרְדֵּן וְחֶרְמֹונִים מֵהַר מִצְעָֽר׃
תְּהֹֽום־אֶל־תְּהֹום קֹורֵא
We read or understand L differently than BHS (1983 Edition). Often this notation indicates a typographical error in BHS.
לְקֹול צִנֹּורֶיךָ כָּֽל־מִשְׁבָּרֶיךָ וְגַלֶּיךָ עָלַי עָבָֽרוּ׃
יֹומָם ׀ יְצַוֶּה יְהוָה ׀ חַסְדֹּו וּבַלַּיְלָה [שִׁירָהּ כ] (שִׁירֹו ק) עִמִּי תְּפִלָּה לְאֵל חַיָּֽי׃
10 אֹומְרָה ׀ לְאֵל סַלְעִי לָמָה שְׁכַחְתָּנִי לָֽמָּה־קֹדֵר אֵלֵךְ בְּלַחַץ אֹויֵֽב׃
11 בְּרֶצַח ׀ בְּֽעַצְמֹותַי חֵרְפוּנִי צֹורְרָי בְּאָמְרָם
We read or understand L differently than BHS (1983 Edition). Often this notation indicates a typographical error in BHS.
אֵלַי כָּל־הַיֹּום אַיֵּה אֱלֹהֶֽיךָ׃ מַה־תִּשְׁתֹּוחֲחִי ׀ נַפְשִׁי וּֽמַה־תֶּהֱמִי עָלָי הֹוחִילִי לֵֽאלֹהִים כִּי־עֹוד אֹודֶנּוּ יְשׁוּעֹת פָּנַי וֵֽאלֹהָֽי׃
Copyright information for WLC