Psalms 100

Kau aaknga Anutue gaak wam ininanga kap taknga.

Ginu aminu kepna kepna yuaingu, ginda Anutue apbakngananga kap tainong.
Ginda Buyambam tapae musip gwaang natangamuke puya ie pasingamunong.
Ginu kau apbakngananga taknga aknga taike ie wesim kunong.
Ginda Buyambam tapae natapa kekekayok. Ita Anutu siknga awiapa unin.
Sike waapatakan ninu tumuke nipmakut. Unzingge ninu inane siknga. Ninu inane aminabam.
Ngan, ninu itane sipsipna binga dakngake yuamang.
Ginda itane yotna gwene koke
gaak inike umana yatangenatnong.
Gaak inike tasiwa umana kopsa siwik.
Sike Buyambamtapa sanga take akngakan tasinggaunin. Asingganu ita ninde musip gwaang natanimunggak.
Ita inane siakan wam takngana asinggan asinggan tawanggak.
Copyright information for `WNC