Psalms 148

Buyambam tapatane umana yatangenatnong.
Ginu kuupbamu yekaune enane yuaingga
Buyambam tapatane umana yatangenatnong.
Ginu angela kuupbamda, itane umana yatangenatnong.
Ngan, aminu yekaune nana kuupbamda ita umana yatenganatnong.
Siwan gunzitkat gatu yekap gwen ngangga itane umana yatangenake
gatu yekapdaau yasikaing ngangga itane umana yatangenatnong.
Sike yekau enane sikngata itane umana yatangenatnong.
Siwan yangga ena kaa komune yuaingga itane umana yatangenatnong.
Sanga wa kuupbamda Buyambam tapatane umana yatangenatnong.
Dasingge? Ita ina yawan aake yuaing.
Ita yawan waakwau ina ayuaingune yutakuuke yuaing.
Siwan wamu wa yakuu yawan kekekawan sandetnanga dua.
Buyambam tapatane wamu atawakaing ngangu ginda Buyambam tapatane umana yatangenatnong.
Sike ginu pis buyambam gatu sanga yanggabam gwenu kutakngane amunandang siknga yuaing gatu yapasiu mingane kakaakgak.
Gatu yangga ais binga gatu minga kuut
gatu gou kekeknga puyakaing.
Sike ginu tawanu buyambam gatu ginu tawanu mateknga, gatu katau buya asaaking,
gatu katau zongaatang nana, gatu kaau kuupbamu aminda kayuaing,
10 gatu kaap zong, gatu kau mateknga,
gatu kwait ngangu ginda Buyambam tapatane umana yatangenatnong.
11 Siwan ginu king gatu amin kepna kepna nana kuupbam,
gatu kinggane waaknga tupan tapa apa kuupbam,
12 gatu tupan amin gatu wawi matek, gatu maya matek,
gatu aminuake, gatu waatdaka ginu kuupbamda Buyambam tapatane umana yatangenatnong.
13 Siakande siknga. Kuupbamda Buyambam tapatane umana yatangenatnong.
Dasingge? Umana kopsa itane akngata aminu kuupbam umana kaya ngana ita asiknga ayapbikut.
Sike ninda yekapat kepat ngangu kana enane siknga sikaing ngana umana kopsa itane akngata ayapbikgak.
14 Sike ita Isrel aminde take siknga natayamunggak. Sike ita wa aminu inane papan kekekake yuaingunin.
Unzingge wa aminda itane umana ayatangenakaing.
Buyambam tapatane umana yatangenatnong.
Copyright information for `WNC