Psalms 15

Devitda kau aaknga matakut.

Buyambam tapa, mamin amin tapata gae yotda buyambam gwene koke yuwik?
Ngan, mamin amin tapata gikane tawanu Saion dakane pakuyuwik?
Aminu tapatuta kepi nomana aknga asinggan tasiwik.
Tasike gatu siakan wamu asinggan yake tasinggak kapata gae yotdane yuwik.
Siwan ita aminu kundutane umana takeaknga dua yaipapaakusinggak.
Ita notnae wai takngatu dua tasiyamunggak.
Siwan ita sapdut wam yawan natakge dua yanggak.
Sike waapata aminu Anututa masa yamukut aminde apbitanggak.
Bitake ita aminu Anututane wamna natake tawakaing kaknga yakapan apbaknganing.
Siwan ita wamu ina yanggak kaknga atasinggak.
Tasiyuuk meya ie apan kakengu ita nangaakan dua natapik.
Siwan ita kapewan aminu kunduta apu sanga moo yamikge iniwanu ayamunggak. Ge yake pakapu imanu sikopnae dua yaniwan imukaing.
Siwan aminu tapatuta aminu gutongana wena apae kot yakut.
Yawan aminu wa yake pakapu imanu sikopnae dua yanikut tapata moning pake gutongana wena apa kautde moo tewikge inindatdauwan mainggak.
Siwan aminu tapatuta kepi waaknga tawambiu dua pimapik.
Copyright information for `WNC