Psalms 22

Devitda kau aaknga matakut.

Anutuna! Natane Anutuna! Dasingge na napmanggayak?
Dasingge gata na dua siknga gatangamunggayak?
Dasingge gata kwanamu nata gae sikgat takngae maau dua siknga panggayak?
Anutu, nata gae gunzit tapane yanggawanggat. Siwan gatu zikaane kuut yanggawake na dua yuwa takanggak.
Siwan ngana gata yake nae wamu dua natanggamunggayak.
Siwan ngana, ga dundumna siknga apaunin. Siwan gata tupan siknga apa, enane siknga yuwayaunin.
Ge Isrel nana aminda gatane umanda yatangenakaing.
Tupa siknga nindane bapuninda gae banip siking.
Waaminda gae banip siwa gata papi take yuking.
Siwan waaminda gae yanggawawa gata iwande kataune sandeke pakuyak.
Waaminda gae banip siknga siking. Siwan gae musiane meya dua natapbing.
Siwan ngana na sanga yumdekanu kundu binga yuat. Unzing na gomou mateknga kep ganangkatang yuaing binga yuat.
Siwan aminbamda sapdut wam nanike nae masa namukaing.
Aminu kuupbamda na nanduke, “Gataaa,” ngang nanimikaing.
Waaminda nae yembi tengamuke nanisapduke gwapaknga makaikaing.
Siwan waaminda anzing yakaing,
“Ita Buyambam tapae baniu asinggakge asikaya Buyambam tapata gatuna tapik?
Buyambam tapata ie take nataakge
ita apba sandekngaman take siwik,” ngang yakaing.
Unzing yakaing ngana, Anutu, gata gika siknga
na mingae musip ganang katang tapi aake take apbum.
Apa gatangami ngwamu nakum komune kakuya tasikuyak.
10 Na mingata tangaiwan baniu gae sikumuneta apu apman apunggak.
Mingata kayuk siknga takuune ga natane Anutuna yukuyak.
11 Sike gata na ma napmambim.
Dasingge, meya apmanu nae apukaing.
Na aminu gatangamunanga tapatu wena.
12 Sike unzing. Ikwawa gamanu wawi gwengwenda binga na nandusatnake umupbasikaing.
Ngan, ikwawa gamanu wawi kekekngana kaya, siwan wa gwengwenu keu Basan komune nanata na umutnawakaing.
13 Sike wa unzing, laion gwengwenda ainggamatake kumzang yayuk
kaana wetzukuke na nasinangge natake gena akngakaing.
14 Sike natane kekekngana kuupbam gwa isangepunggak.
Unzing yangga moo tukngwamba kuke zakngakaing binga.
Siwan kwatanatane ngwaknga ngwakngana kuupbam gwa ziwa yuking.
Unzingge natane musipma tuyuknga siknga siwan kekekananga dua. Unzing kaanata puke dauyapmakaing binga.
15 Sike natane kekeknga akngana gwa isangepunggak.
Unzing dopangu pupuknga sike pukaing binga. Sike natane guyaknga kupia siknga gwa singgak.
Siwan yembina kuut genane gwa gatanggak. Gata na tasiwi nata paa siknga gatukande kungwanggat.
16 Siwan wai aminu waakwakga na keu kuupbam nawake umupbasikaing.
Unzing kamunda kaap zong umuyawakaing binga.
Sike natane kataknga gatu kepina ngangu genata namukaing.
17 Siwan natane gupma kwatanakan singgak.
Siwan waaminda kumzang nanduyuke nata wai siwitde apbakngakaing.
18 Sike waaminda natane taukngae kas binga tasike usanzike natane tauknga, “Mamindaka tapik,” ngang natake tasike
sandu sandu inandek inandek pakaing.
19 Siwan ngana, Buyambam tapa, maa yuke na ma nandutewim.
Gata na kekekangamunggayak kapanin. Gata zet apu gatangamuyo.
20 Siwan na gata katak tapi waaminda na bainatda dua nuwa kupit.
Gata na tapi aminu kamun binga waakwakga na dua nasiwa kupit.
21 Gata na tapi waaminda na laionda kaap zong nakaing binga nutnangge tasiwa maiwik. Sike waaminu ikwawa gamanu zong dakngake yuaingga binga kom nata namnangge tasikaing.
Siwan ngana gata waakwakge kataune sandeke gatuka na tapso.
22 Gata unzing tasiwinu nata notnabamde gatane umanda buyambamu yanikapit.
Sike tapduu miti kanangge unekan yutningune na banakan kuke gae siknga inata kundu natapit.
23 Ginu Anututane donga,
ginda ie gwangat natapnong.
Ngan, ginu Jekopdane donga, ginda itane umana yatangenatnong.
Ngan, ginu Isrel aminde donga, ginda ie akgwautnong.
24 Dasingge? Ita meya buyak yuaing aminde masa dua yamunggak.
Gatu waaminda meya pakaingge ita natapan sanga moo binga dua singgak.
Ita waaminu peke paku maa dua yuak.
Aho. Ita waamindane tumuk wamna natake akgatayamunggak.
25 Sike miti kanangge unekan yutning gwene nata gatane umandakan yatangenawit.
Sike wamu sangabamu nata pasiwitde yawa kekekakut taknga aminu gae akgwaukaing aminde kaine atasiwit.
26 Siwan sangana wena aminu nanamu napa musia gitnaning.
Sike aminu Anutue yatawakaingu itane umana ayatangenatning.
Na Anututa tasiwan waaminu take asinggan asinggan yutningge nataat.
27 Sike aminu keune nana kuupbamu
musia papatekngwamban Anutue natanggamataning.
Natake gatu ie apning.
Ngan, aminu kuupbamda munu puke inimbaknganing.
28 Dasingge? Buyambamtapa King kapa yuke
ita aminu kuupbam kakuya pasinggak.
29 Siwan sangaapana kaya aminu kuupbamu kuutda munu puke inimbaknganing.
Sike aminu akumnangge dapaknga sikaingu kayuu yutnanga dua.
Waaminu kuupbamda munu puke Anutue inimbaknganing.
30 Sike aminu masan aatning aminda itane puya tasingamuning.
Siwan waaminda Anututane umana aknga aminu masan aatningge yanikapning.
31 Yanikapmake aminu wa tupa dua aakingu
gwa aawanu yanike
Anutu nomana siknga apa unin ngang yanining.
Copyright information for `WNC