Psalms 36

Devitda kau aaknga matakut.

Nata wamu takngatu wai aminda tasikaing kakngae musipmaatang nataat.
Aminu unzing kapata Anutue kundusim paa dua gwaukgak.
Wena siknga.
Ita Anutue masa imunggak.
Siwan aminu wa binga inae natapan kopsa siwan anzing nataak: Na aminu nomana siknga.
Anututa waiaknga tasinggau dua kakapmake wam yawitde dua yawik.
Asinggan siknga aminu waapa waiaknga tasinangge yayuuk aminu kundu kem wam yaninggak.
Itane natdetdet naatangu noman taknga tasinanggengu wena.
Sike tapdu apekgak komune waapa waiaknga tasinangge kepie natdekgak.
Waapa kepi waiapakan tawanangge natanggamatanggak.
Natanggamatake waiakngaenu masa dua imunggak.
Buyambam tapa, gata butaya natanimunggayak kaknga mateknga dua. Waaknga buyambam siknga.
Ngan, gata nin gatanimunangge yawi kekekakut taknga sandetnanga dua.
Gata sanga noman nomana tasinggayak kaknga buyambam siknga. Waaknga enane siknga.
Anututane tawan dakandaka binga. Sike ninda masande wam yanimde gata noman taknga tawambiakgane yapii ninda natdetnanga dua. Wa amandang siknga.
Unzing yanggabam gwenu amandang siknga yuak binga. Buyambam tapa, gata aminkat gatu kaap zongkat ngang kakuya pasiwi take yuamang.
Anutu, gata ninde musip gwaangu asinggan asinggan natanimuggayak.
Ninda ie natapna take siknga singgak.
Siwan aminu umana kaya apaat gatu umana wenaat ngang gae apuke gae gepbiatang koyuke sopukaing.
Sike gatane yotda atangu nanamu kwaapzang siknga. Unzingge aminbamu undang koke nanamde dua dapmakaing.
Gatane sanga take siknga wa kwaapzang yuaing. Unzing yangga buyambamu tapatu binga. Siwan gata atangopningge yamunggayak.
Ga sangabamda kayuk yuainggane yapii gika. Siwan gatu kakaatane yapii gika.
Ninda kakaa waaknga ga anganggan takamang. Siwan take yuamang.
10 Asingganu gata aminu gae atnataaing aminde take siknga natayamuyo.
Ngan, gata kepi noman takngane tawake aminu kepi noman tawakaingu asiknga gatayami take yutning.
11 Nata nataau gata yamandet aminu dua kapewi na nainggamutningge nataat.
Siwan gata wai aminu dua kapewi na nanikwasining.
12 Kanong. Wai aminu kepdakane pimake yuaing.
Waakwau gatu enatnanga dua.
Copyright information for `WNC