Psalms 56

Kau aaknga Devitda matakut.

Anutu, aminda na nawake nutnangge tasikaing. Asingganu iwanata nainggamukaing.
Sanga wa tasingamukaingu kake gata musip kwikwik natangamuyo.
Sike tembanata kuku bangae siknga, iwanata sapdut wam nanisapduke nawakaing.
Aminbamu inae umana yatangenake nutnangge tasikaing.
Siwan ngana Anutu enane siknga yuak kapa,
tapduu gwendune nata sanga tapatue gwaukengu gae baniu kekeknga siwit.
Na Anutue banip singgat.
Ie banip sike itane siakan wam takngae take siknga natake natanggamatanggat.
Na Anutue banip singgatde aminda nae mina binga takngatu tasiwa maiwit takngae dua gwaumbit.
Sangabamu nata atasinangge yawa natake iwanata wamu waaknga tapatekngwamban inata siknga singgak.
Asingganu kepi zaaknga tawake tasina maiwik, ngang nataaing.
Natake waaminu unekan yuke akusopuke yuaing.
Kepi nata sukunggau katak siknga kakenga
na nutapan kupitde tasikaing.
Anutu, nae waiaknga tasikaingge gata yake meya buyambam yamuyo.
Gata musiptok natayamuke waaminu ayapbike yaipakepso.
Meya gwaamuke nata musipmaik nataau, ga atnatapinaa kwanamu sike yuat.
Unzingge gata waakngae atnatanggamatayuuk,
gikane buk gopatangu gwa matakuyak.
Anutu, nata gae tumuk wam yawanu gata tasiwi
iwanata masa namuke datakuning.
Datakuwa kake gata gatangamunangge tasinggaak ngang natapit.
10 Na Anututane wamna asiknga baknganggat.
Ngan, Buyambam tapatane wamna yatangenanggat.
11 Na Anutue banip sike ita wamu yawan kekekakut takngae natanggamatanggat.
Unzingge sanga tapatue dua gwaumbit. Dua gwaumba aminda nae mina binga takngatu tasiwa maiwit? Wena.
12 Anutu, nata sanga tupa tasinangge yawa kekekakut taknga nata atasiwit.
Unzingge nata gae gaak siknga ganike ofa takngatu gaak wamma saak natake tasiwit.
13 Anutu, gata na gwa takuyakge na dua kumbum.
Gata gatangami iwanata dua naitakepbing.
Unzing Anutu, nata gaat asinggan gatake sukukamak.
Siwan kakaa akngakata gatangaman kayuk yutnanga akngane sukuwit.
Copyright information for `WNC