Psalms 70

Kau aaknga Devitda matakut.

Anutu, na gatuka asiknga tapso.
Buyambam tapa, ga zaat apuke na gatangamuyo.
Aminu kunduta na nutapan kupitde tasikaing.
Siwan nata nataau gata natdetdetda pakepuke pasiwi botake apmaakaningge nataat.
Sike aminu kunduta meya nata panggatdenu apbakngakaing.
Gata asiknga yanikwasiwi kuwa gatu yaipakepi umana wena amin daknganingge nataat.
Aminu na nanisapduke, “Apa! Gataaa,” ngang nanikaing.
Siwan nata nataau waaminda kumzang siknga maakake dasingga yuyuknga yuaingu kake kasatnaningge nataat.
Siwan ngana nata nataau aminu gae kukaingu
waaminda musip gwaang natanggamuke gae apbaknganingge nataat.
Sike aminu kuupbam gata gwa pakuyakga puya aknga tasiyamukuyakge natanggamatake asingganu gae anzing yaning,
“Anutu tupan tapa unin,” ngang yaningge nataat.
Anutu, na kekekngana wena. Sike na sangaapae dapmake nina gatangamunanga dua.
Unzingge gata nae zaatgaman apso.
Buyambam tapa, na gika siknga gatangamuke gatuka takuyak.
Unzingge ga paiunga ma siwim. Na zaatgaman gata gatangamuyo.
Copyright information for `WNC