Psalms 87

Kau aaknga Koratane donggane. Miti kap taknga.

Anututa yotna inane gapma tawanu inane dakane tasike tekut.
Buyambam tapata you gapmandu gapmandu Jakopde donga une yuaingge take nataak ngana
Jerusalemdenu take siknga nataak.
Sike Anututane yotbam gapmane aminu yuaingu, ginda anzing natapnong.
Anututa puya noma nomana gikatang pasinggakgen.
Siwan Anututa anzing yakut, “Nata aminu nae wam tawakaingunin matawit tapduk kopatangu,
nata Isip nanaat gatu Bambilon nanaatdane umana matawit.
Siwana nata Filistia nanaat gatu Tair nanaat gatu Itiopia nanaat ngangge umana matawit.
Siwan anzing yawit, ‘Iyaaya Zaionkat nana,’” ngang yawit.
Siakan. Nata Sionde anzing yawit,
“Aminu tapatu kake aapa komdune nana pakapuyuke ane nana dakngakut. Sike aminu tapatu kake, ‘Aapa kuut wanggapmane nana,’ ngang yawit. Siwana
Anutu enane sikngaapata, you wanggapma gatu ina tangenake tasiwan kekenga siwik.”
Buyambam tapata dongu kundu kundune nana amindane umana matawik. Matake,
“Aminu aapa Jerusalem nanaunin,” ngang matawik.
Sike amin Jerusalem yuaingga kap taike apbaknganing. Bakngake anzing yaning,
“Jerusalem, ga sanga noma nomana ninda peyuamanggane yapii ga,” ngang yake taining.
Copyright information for `WNC